VERKEFNI LOKIÐ!
KOM HEIM ÚR SKÓLANUM KL. HÁLF-FIMM Í MORGUN OG VAR MÆTT AFTUR KL 10 TIL AÐ SKILA!
FINIDO!

Hæ hæ !
Það er ekkert sérstakt að ffrétta frá mér þessa dagana. Við erum á loka sprettinum með verkefnið, eigum að skila á mánudaginn.... en hvað haldiði? Auðvitað er ég lasin. Ég er eithvað að reyna að hanga uppi í skóla og reyna að vera að einhverju gagni. Það er bara ekkert spes þegar maður er svona slappur. Hún Eva Ruza er svo að koma á morgun! Jeijj ég hlakka svo til.. .bara verst að ég er svona upptekin akkúrat núna. Ég vona alla vega að ég verði orðin betri á morgun svo að hún þurfi ekki að fafra í hlutverk hjúkrunarkonunnar.
Ég skrifa seinna þegar ég hef eithvað að segja..
Hausverkur kveður að sinni.

Það er búið að vera svo gaman um helgina!
Tivoli ferðin á föstudaginn var náttúrulega frábær, en laugardagurinn var sko ekkert verri!
Það var Karnival í Fælledparken Það var allt þarna. Salsa, samba, afró dans, brasilísk, afrísk, cubönsk tónlist... Sannkölluð Rijo stemning. Það voru samba sýningar, salsa sýningar.... ég veit ekki hvernig ég á að lýsa þessu. Fullt af stórum tjöldum með alls konar tónlist og alls konar sýningum... alls konar matur frá alls konar löndum. Allir dansandi á götunum og í Parkinum. Ég sat fyrst með Anne Marie og vinkonum hennar í sólinni við hliðina á gaurum sem voru að spila á afró trommur og allir að dansa í kring um okkur. Svo komu Guðný og Fatima og joinuðu okkur, við fórum á milli tjalda og fylgdumst með þvílíkum samba sýningum.... vá hvað sumar gellurnar voru góðar í að hrista rassa! Þær voru þarna á perlu-g-streng og litlum bikini topp og dönsuðu geðveikt flott með svona fjaðra-thing á hausnum. Bara alveg eins og í Brazil! við keyptum okkur alls konar skemmtilegan mat og ógeðslegan lakkrís og tókum svo létt salsa, cha-cha og samba dansspor úti á götu, færðum okkur svo í úti diskótekið, þar sem var spiluð svona afrísk, eða eithvað svoleiðis diskótekamúsík. Ég var þarna alla vega í 10 tíma og skemmti mér alveg konunglega!
Í gær fór ég svo aftur í Tivoli... við mamma fórum bara til að sitja og slappa af og njóta góða veðursins, enda erum við með árskort og þurfum ekki að borga inn. Svo komu pabbi og bróðir hans og við röltum á kaffihús í Istegade. Svo var tími til komin fyrir mig að fara heim og búa mig því ég var að fara í matarboð/pókerkvöld hjá Lau með Anne Marie. Fyrsta skipti sem ég spilaði póker.. ég var nú ekkert svo klár í fyrstu... en þegar líða fór á var ég bara orðin nokkuð glúrin í að blöffa. Ég verð að verða mér út um svona chips. Þetta er ógeðslega gaman! Ég verð að halda pókerkvöld í sumar þegar mamma og pabbi eru búin að fá húsið aftur!
Alla vega þá ætla ég að enda þessa helgi vel og horfa á La Mala Educacíon í kvöld, Almodóvar mynd getur ekki klikkað. Um að gera að njóta helgarinnar því að ég veit að ég verð alveg hrikalega upptekin í næstu viku að vinna í verkefninu, ekki viss um að ég verði neitt voðalega dugleg að blogga. Ég býst við að verða uppí skóla frá morgni til kvölds næstu 2 vikurnar. Gaman gaman!
Hej hej!

Halló halló! Lítið að frétta af mér svo sem. Vikan er búin að fara í verkefnavinnu.
Annars var föstudagurinn alveg mjög skemmtilegur. Á leiðinn heim eftir erfiðan dag verkefnislega séð hringdi síminn og þá var það hún Eva Ruza að boða komu sína til Baunalands. Það verður sko fjör á stöllum.
Þegar ég kom heim þá litaði mamma á mér hárið.. loksins! Hún hefur ekki haft tíma til þess svo lengi vegna þess að hún var að klára verkefni og þess vegna var ég komin með rót niður á hæla! Svo fengum við okkur Massimo pizzu...bestu pizzur í heimi og svo fór ég í Tivoli. Tivoli er best! Ég keypti mér árskort og ég ætla að fara í hverri viku! Ég fór í fyrsta skipti í nýja stóra stóra rússíbanann og það var svo geðveikt! Ég ætlaði ekki að þora, en það var svo geðveikt.
Nú er hann Rafnar minn akkúrat að klára síðasta prófið sitt og á morgun fer hann að vinna á Dingaling ísbíl! Örugglega drauma vinnan hans, ískallsins. Hann mun keyra um allt land og selja ís á bæjum og þorpum.
En nú ætla ég að fara að búa mig, er að fara á karnival í Fælledparken. Dansa salsa og afró dansa og alls konar! Gaman gaman! Vor í Kaupmannahöfn er best!

Halló halló!
Ég er nú bara að láta að vita að ég er lifandi og í góðum gír. Allt er á fullu í Hróaskeldu... vinnum frá morgni itil kvölds í stóra verkefninu okkar þessa dagana. Það er frábært bara að hafa svolítið að gera, alla vega er þetta mjög spennandi verkefni svo ég kvarta ekki. Helgin var alveg frábær. á föstudaginn fór ég í afmæli til Astrid sem er með mér í hóp... það var heldur betur fjör, vorum í látbragðsleik og svona... (alveg týpískt RUCara thing að fara í leiki og vera svona soldið social). Svo var nú reyndar aðal fjörið á laugardaginn. Ég byrjaði á því að fara til Tinnu, þar voru Dísa vinkona Tinnu og Alma vinkona Dísu. Við skemmtum okkur yfir því að finna út hvaða fólk við þekktum allar... svona týpískt Íslendinga thing... og svo tókum við smá sing star á þetta! Tinna vann auðvitað! Hún vinnur alltaf kellingin en vill svo ekkert kannast við það að hún syngi fallega! Alla vega svo var kominn tími til að kíkja á sveitaball með Í svörtum fötum. Ég held bara að ég hafi sjaldan skemmt mér eins vel á balli. Þetta var held ég í fyrsta skipti sem ég sé þá spila svona life... og vá hvað þetta var eithvað gaman! Ég bjóst sko alls ekki við þessu. Eftir ballið skelltum við okkur aðeins í bæinn, en fórum svo fljótlega heim á leið. Nú ætla ég að snúa mér aftur að
endurreisninni, listinni, kristnum táknum, og biblíusögunum, ....
Seinna!

Jæja það held ég bara að ég er ekkert voða góð í að búa til próf.. það fékk allavega enginn 10 á prófinu mínu. En svona er háskólalífið... einkunirnar lækka þó svo að maður sé alveg að standa sig vel! Er það ekki bara... þetta var bara svona háskóla próf.
Það var mikið um dýrðir hérna í Kaupmannahöfn á sunnudaginn, 1. maí. Reyndar byrjaði ég daginn á því að fara í rólegheitin til hennar Tinnu. það var ofsalega kósí, fórum í gönguferð um hverfið og spurðum hvort að Helga vildi vera memm og fírum svo og sátum í garðinum hjá Gígju. Ég fór eithvað að verða óróleg og vildi komast í fjörið svo ég skutlaðist í Parken til að hitta Guðnýju og Díönu. Það var svona smá forsmekkur af Hróaskelduhátíð að koma í Parken... það voru 2 tivoli á svæðinu, hljómsveitir, ræðuhöld fyr um daginn sem ég missti af. Svo var allt komið í drasl og rusl. Við röltumum í smá stund, en við fórum fljótlega heim til Díönu og fengum okkur pizzu. Ekki besta pizza sem ég hef smakkað, enda held ég að gaurarnir á pizzastaðnum hafi verið búinr að fá sér eithvað mikið að reykja í tilefni dagsins því þetta gekk voðalega hægt hjá þeim. Svo á leiðinni heim viltist ég aðeins þegar ég var að keyra Guðnýju á lestarstöðina... keyrði í nokkra hringi... það var voða fyndið! En þetta var voða huggulegur dagur get ég sagt ykkur.
Mánudagurinn var svo bara eithvað ónýtur dagur fyrir alla sem ég hitti. Ég vaknaði með hausverk og drattaðist á lappir og fór í skólann... fattaði þá að ég átti að mæta klukkutíma fyr á fund.. skipti svo sem ekki máli þar sem enginn var í stuði til að gera neitt.... við sátum s.s. og kjöftuðum til hádegist, skiptum með okkur verkum og fórum í lestina til Kaupmannahafnar.. fórum nokkur á kaffihús og sátum þar í nokkra tíma. Mjög öfllugur mánudagur! Í gær ætlaði ég síðan að vera að vinna allan daginn, en það var bara ekki hægt að vera inni. Ég fór bara með mömmu og pabba í heimsókn til Sollu og Óla hérna út á Amager og við láum í garðinum hjá þeim og létum sólina steikja okkur. Ég er svo brunnin á öxlunum, en það var alveg yndislegt að liggja í sólbaði. Fyrsta sólbaðið mitt í ár.... Ég náði að vinna síðan aðeins í verkefnum og öðru þegar ég kom heim.... og í morgun er ég búin að vera dugleg. Astrid úr hópnum mínum kom hérna til mín og við unnum í alveg allan morgun og ég er ekki hætt.. svo að vonandi fer vikan ekki alveg til spillis.
Á laugardaginn ætlar mín svo bara að skella sér á sveitaball, reyndar ekki mikið upp í sveit, bara 5 mín í burtu frá mér á hjóli.. en það er ball með Í svörtum fötum... ég mundi aldrei fara á ball með þeirri hljómsveit á Íslandi en þegar maður er hérna þá er þetta eithvað svo öðruvísi. Ég hlakka nú bara alveg rosa mikið til að fara að hrista kótelettur eins og maður segir hérna í Kaupmannahöfn.

Ég bjó til próf! Hermi hermi hermi! Mér tókst ekki að setja íslenska stafi, vona að þið fyrigefið það
Hérna kemur það.. sýnið hvað þið getið!
Takið prófið! and then Athugið stigin hér!

Það er laugardagskvöld og ég er bara heima. Ég hef ekki haft neitt að gera svo sem svo ég skellti bara Notthing Hill í DVDarann og glápti. Eftir það ákvað ég svo að kíkja aðeins á ruv síðuna eins og ég geri svo oft til að kíkja á einhverja íslenska þætti. Ég sá að Laugardagskvöld með Gilla pilla var kominn inn svo ég ákvað að kíkja aðeins á það.... Herre Gud! hvað gaurinn er ógeðslega pirrandi. Fyrst var viðtal við Jón Ásgeir og hann spurði hann spurninga eins og: ertu ekki með minnimáttakennd af því að við erum svona lítil þjóð?, er þetta bara einhver bóla? Eigum við eftir að leggja undir okkur heiminn.... svo hélt þátturinn áfram og Gilli pilli talaði við fleiri viðskiptajöfra sem eru að gera það gott í Bretlandi... m.a. Bakkavarar(Bakkavör) bræður, gaur frá FL group... (Iceland air) og fleiri og alltaf alltaf alltaf spurði hann sömu asnalegu spurninganna og fékk þess vegna fullt af mjög líkum svörum. Samt lét hann þessa viðskiptaplebba vaða áfram. Svo kom að menningarlegu innslagi þáttarins. Védís Hervör spilaði og söng fallegt lag eftir sjálfa sig, eftir að hún var búin að syngja tók hann síðan viðtal við hana... en hún fékk valla að ljúka einni setningu því hann varð að flýta sér að ná að tala við fleiri stórkalla! Ég var næstum því búin að kasta einhverju í tölvuna! Enn og aftur segi ég hann er svo pirrandi! Hann hélt áfram að tala við þessa stórkalla og svo kom annað menningarlegt innslag....Mugison... enn og aftur mjög stutt... en það er kannski alveg sanngjarnt því hann er nýbúinn að vera í þættinum hjá honum. Nú get ég alveg skilið að þessi þáttur átti kannski aðallega að fjalla um þessa viðskiptajöfra sem eru að gera það svo gott þarna úti, en þurfti hann endilega að spurja alla gauranna að því sama? Fyrst hann vildi á annað borð koma með menningarleg innslög í þáttinn (sem mér by the way fannst vera það eina sem var varið í í þættinum) þá hefði hann alveg mátt gera það almennilega. Ég skil ekki alveg af hverju ég horfi á þessa þætti.... en maður er kannski svolítið að reyna að fylgjast með því sem er í gangi í Íslandi svo að maður verði ekki alveg utangátta þegar maður loksins kemur heim.
Ég verð að tala aðeins um þáttinn hanns sem var um daginn frá Kaupmannahöfn. Vá hvað það var pínlegt að horfa á þennan þátt!!! Ég vona bara að ekki nokkur íslenskumælandi Dani hafi séð þennan þátt. Fattiði tilfinninguna að skammast sín fyrir einhvern? Já þannig var tilfinning mín. Það var svo rosaleg þjóðremba í gangi í þessum þætti. Íslendingar eru svo duglegir að vinna, þeir eru bara farnir að taka yfir hérna í Danmörku. Danir eru svo latir! Við erum einfaldlega svo mikið betri en þeir! Hlutirnir gerast svo hægt! Að vissu leiti er margt til í þessu. Hlutirnir gerast hægar hérna, Danir eru með styttri vinnuviku en Íslendingar og vinna ekki mikla yfirvinnu eins og Íslendingar gera, þeir þurfa langan tíma til að skipuleggja allt. En ef við stöldrum aðeins við og hugsum okkur um..... er það eithvað verra? Fólk hér hefur mikið meiri tíma fyir fjölskylduna, fólk leggur mikið upp úr því að hafa það huggulegt og gera eithvað skemmtilegt. Ég get bara ekki ímyndað mér annað en að fólki líði betur hérna þó að það geti ekki keypt stórt einbýlishús og jeppa. Mér fanns bara einum of mikil remba í þessum þætti. Gilli pilli, chillil chillli!

Halló!
Já ég veit langt langt síðan. Það er nú margt og mikið búið að gerast hjá mér. Rafnar fór heim... Það var voða leiðó, en hann þarf að taka próf svo það var ekkert um það að tala. Vormánuðir eru líka alltaf svo fljótir að líða.
Ég þurfti að skrifa 2 ritgerðir sem gilda 100% fyrir 2 kúrsa svo að það þarfnaðist aldreilis einbeitingar. Reyndar gaf ég mé kannski ekki alveg nógu mikinn tíma í þær. Það var svo mikið af fólki hérna og enginn friður og svo var Rafnar akkúrat að fara þegar ég var að þessu.. þannig að einbeitinging var kannski ekki alveg í 100% Ég er alla vega búin að fá úr annari og ég náði kúrsinum... við fáum engar einkunnir fyrir þetta sem er mjg hvimleitt.
Beint eftir ritgerðarskil fór ég með hópnum mínum í sumarbústað til að vinna í verkefninu. Það var alveg voða huggó og við gerðum alveg slatta. Það var líka alveg þokkalegt veður svo að stundum gátum við setið úti á palli og lesið og unnið. Við fórum af stað á mánudaginn og komum heim á fimmtudeginum, á föstudeginum var ég svo alveg eins og sprungin blaðra, ég var svo ótrúlega þreytt. Við vorum ekkert að fara eithvað sérstaklega snemma að sofa alltaf en vöknuðum alltaf snemma, því það gerir fólk bara. Vaknar snemma.
Helgin sem leið er búin að vera alveg frábær. Ég er búin að slæpast alveg dainn út og inn. Fór og hitti Guðnýju niðri í bæ þegar ég vaknaði og við röltum upp og niður Strikið, fórum á Nyhavn og chilluðum og chilluðum. Við enduðum svo heima hjá Sigrúnu og keyptum okkur kjúlla í búllu á Nörrebro og elduðum hann meira því við vorum ekki alveg að treysta búllunni.... Better safe than sorry. Svo leið kvöldið bara ótrúlega hratt. Fyndið hvað hún Sigrún hefur alltaf verið að hanga með sama fólki og ég, en samt hef ég aldrei svona alveg rekist á hana mikið. Í gær fór ég síðan í hjólatúr með Anne Marie, hjóluðum hjá Söerne og fórum á Nyhavn og fengum okkur vöflu með ís. Það er sko alveg komið vor hérna hjá mér. Það er nú samt aðeins kaldara en ég held alltaf. Ég fer alltaf bara út á peysunni og svo er mér alveg ískalt.
Ég veit síðan ekki hvað var málið með allar 40 sjónvarpsstöðvarnar hérna í gær. Það var ekkert í sjónvarpinu. Ég tók á það ráð að fara út á videoleigu og taka Alexander.... já mikil mistök. Hún var svo ógeðslega leiðinleg að ég bara gafst upp. Ég hélt að þetta ætti að vera þvílík stórmynd. En jæja, ég ætla að að skokka út á pósthús og ná í Hróaskeldu hátíðar miðanan minn! Vá hvað ég hlakka rosalega mikið til :)

Hæ hæ!
Bara stutt blogg í þetta skipti.
Ég er á fullu í ritgerðasmíðum, skilaði einni í gær og á að skila annari á mánudaginn svo það er ekki slegið slöku við þessa dagana. Ekkert sjónvarpsgláp né neitt. Það er helst að maður taki sér pásu til að fara í smá hjólatúr í góðaveðrinu.Það er núna 16 stiga hiti og sól. Það er heldur betur orðið fjörugt í hverfinu. Öskrin og lætin eru þvílík, Tivoli opnaði í gær.
Ég fíla mig svolítið einmana þessa dagana. Sigrún yfirgaf mig og fór til Finnlands til að vinna hjá hundaræktanda á þriðjudaginn og svo fór Rafnar til Íslands á miðvikudaginn því að hann er víst að fara að byrja í prófum bráðum. Ég hef nú mömmu og pabba og afi verður hérna þangað til á morgun.
En ætla ekki að halda áfram að buna út úr mér... Þetta er allt í belg og biðu, veit það en later!

Ég er búin að búa í Kaupmannahöfn núna síðan í ágúst og yfirleitt fíla ég mig bara nokkuð örugga. Alla vega svona hérna í kring og í götunni minni. Ég kem oft ein heim seint á kvöldin og finnst bara ekkert að því.
Þið hafið kannski heyrt um þetta morð sem var framið í Kaupmannahöfn um páskana. Ef ekki þá var leigubílstjóri myrtur og líkið bútað niður og partar fundust á tveimur stöðum í miðbænum. Alveg hreint ógeðslegt morð, það hefur valla verið talað um annað hér í borg undanfarið. Það er mikið búið að vera að leita af morðingjunum og nú í gær gaf annar morðinginn sig fram og var sóttur á heimili sitt.... í götuna mína! Litlu sætu götuna mína.
Ég er með svo mikinn hroll. Ég hef alveg örugglega mætt honum mörgum sinnum út á götu. Hrollur hrollur hrollur! Ég sá sko á mbl í gær að hann hafi verið sóttur á Amagerbrogade sem er næsta gata og er óendanlega löng, svo ég hugsaði bara með mér að það hefði verið langt frá mér, en nei nei svo sá ég það núna í blaðinu að þetta var s.s. bara í götunni minni.

Ég er þáttafíkill!
Frá því ég var heima í janúar hefur þessi fíkn verið að myndast hjá mér. Þetta byrjaði allt saman með því að ég fékk tvær seríur af Nip tuck hjá Möllu. Nip tuck er náttúrulega bara snilldarþættir og kláraði ég 2 seríur á 2 vikum. nú bíð ég eftir 3. seríu, en hún fer í loftið í USA í september. Þegar ég kom út byrjaði ég að fylgjast með One Tree Hill. Ég var byrjuð að fylgjast með þeim þætti aðeins fyrir jól, en ég varð einhvern veginn ákafari að fylgjast með og passaði upp á það að missa ekki af neinum þætti. Það er verið að sýna aðra seríu af O.C. núna og auðvitað fylgist ég með því. Desperate Housewifes komu síðan sterkar inn hjá mér. Alveg hreint snilld! Ekki gleymi ég nú heldur Scandinavia next top model og Joey. Úff! Ég er ekki búin að nefna aðal aðal aðal uppáhalds þáttinn minn núna.... en það er LOST. Ég er búin að horfa á alla þætti sem er búið að gera og næsti þáttur kemur ekki fyr en í maí! Svo það er löng bið. Ég mæli með þessum þætti og ég mæli líka með því að þið downloadið þá og reynið að horfa á marga í einu því það er alveg óþolandi að þurfa að bíða í heila viku á milli, líka það að þá er maður eiginlega búinn að gleyma alls konar staðreyndum sem skemmtilegra er að hafa á hreinu.
Vikudagskráin hjá mér er svona:
Sunnudagar: East Enders (öll vikan sýnd á BBC prime)
Mánudagar: Ekkert sérstakt (gríp e.t.v. í einhvern Lost þátt eða Nip Tuck)
Þriðjudagar: Úúúú aðal sjónvarpsdagurinn. Friends voru á tv2 fyrir mat. 20:00 tv3 Extreme makeover Home edition, 21:00 Scandinavia next top model eftir það norge 2: Desperate housewives, norge 2 Joey, tv3 De fantastiske fem (danska fab five)
Miðvikudagar: O.C. klukkan 21:50
Aðra daga nota ég svo til að horfa á Lost.
Ég veit að þið spurjið ykkur: Var Sólveig ekki að flytja til Danmerkur til að fara í háskóla og læra eithvað?
Ég er allavega búin að læra helling um lífið í Californiu það get ég sagt ykkur.... en það fer alltaf minni og minni tími í að kíkja í bækurnar til að læra eithvað af viti.
Ég er s.s. búin að setja mér það að nú bæti ég ekki við fleiri sjónvarpsþáttum. Ég ætla ekki að fara að horfa á 24 eða Alias... ég veit af þeim og lítill hluti af mér langar að skella mér út í það að sjá þá. Ég ætla að standast freistinguna og vona að þetta sé bara svona eitt "tímabil" og að ég muni komast yfir þetta, alveg eins og ég komst yfir internet fíknina mína, e-mail fíknina og msn fíknina.

Halló!
Það er svo langt síðan ég skrifaði síðast og ég hef tvær ferðasögur að skrifa.
Pragferðin var alveg frábær. Það gekk bara mjög vel að komast á áfangastað með pabba sem bílstjóra og Rafnar á kortinu og mig og mömmu að lesa á skilti. Gott tímwork! Þegar við komum yfir landamærin til í Tékklandi fórum við að sjá svona litla hrörlega kofa sem minntu einna helst á pulsuvagna eða eithvað svoleiðis nema þessir kofar voru með risaglugga og í gluggunum voru dansandi hálfberar konur/stelpur! Það var allt morandi í svona kofum og erotic nuddstofum og sána osfrv. þarna við landamærin. In ðe middle of f. nóver! Það var greinilega mikil fátækt þarna og fólk bara að reyna að bjarga sér. Húsin þar voru mörg heldur betur hrörleg.
Jæja það leið svo ekki að löngu þangað til við vorum komin inn í Prag og þar er nú svolítið annað upp á teningnum. Byggingarnar þarna... Þetta er alveg stórfenglegt. Við fórum út um allan miðbæinn til að skoða þessar fallegu byggingar. Fyrsta daginn þræluðum við okkur svoleiðis út. Við náðum næstum því að sjá alla helstu staði borgarinnar þann dag. Það er náttúrlega það sem maður gerir þegar maður fer til Prag. Maður fer til að skoða byggingalistina þarna. Við fórum inn í eina alveg geðveikt flotta kirkju. Það voru þvílíkar skreytingar. Það voru þarna hallir og svo bara var þetta allt eithvað svo fallegt. Karlsbrúin náttúrulega skemmtileg. Þar rétt hjá voru hellingur af túristabúðum, sumir starfsmenn búðanna greinilega orðinr vanir því að fá Íslendinga til sín svo manni var bara heilsað á Íslensku og þakkað fyrir á Íslensku. Mamma og pabbi keyptu sér smá kristal en ég lét það bara alveg vera. Mér finnst mest af þessu kristalsdóti vera soldið gömlu konu legt. Svona mikið skreytt allt saman. Ég held bara að ég haldi mig við IKEA glösin svona í bili. Ég keypti mér ekkert svo mikið . Eitt sjal og tvær pasmínur, hring, eyrnalokka og belti.... s.s. bara svona fylgihlutir og eithvað sem maður fær á betra verði en í Danmörku.
Við vorum á þokkalegu hóteli sem var ekki alveg í miðborginni. Við þurftum að vera svolítið út úr miðborginni því að við vildum fá vaktað bílastæði fyrir bílinn okkar. Það voru varðmenn og svo einn hundur sem var alltaf á vakt. Grey skinnið. Honum var held ég aldrei sleppt lausum. Allan tímann sem við vorum þarna var hann bundinn í stutt band þarna við bílastæðið. Morgunmaturinn... ég mæli ekki með honum. Alla vega þá tókum við bara metro í bæinn alltaf, en það tekur bara nokkrar mínútur. Málið er bara að maður þarf að fara liggur við alla leið til helvítis til að taka metroinn. Hann er ekkert smá djúpt. Það var ekkert smá spes. Ég var alltaf að æfa mig í tékkneskunni í metonum. Veit ekki hvað fólk hefur haldið um mig. Ég lærði alveg nokkur orð í þessari ferð. Það safnast saman. Ef ég fer þangað nokkrum sinnum í viðbót verð ég bara orðin altalandi. Við lögðum af stað heim á páskadag og gistum á svaka fínu moteli á leiðinni. Það var nú ósköp gott að koma heim.
Við Rafnar skelltum okkur svo til Odense á föstudaginn og komum aftur heim í dag. Við gistum hjá frænda hans Rafnars,, fengum lánað prinsessuherbergi Kötlu dóttur hans sem var með hlaupabóluna. Dísa frænka mín á líka heima í Odense og tók hún á móti okkur og bauð okkur í mat á föstudaginn. Ég smakkaði sushi í fyrsta skipti. Skil ekki alveg af hverju ég hef ekki smakkað það fyr. En ég er búin að bíða lengi eftir því að smakka það. Það var alveg frábært veður í Odense um helgina. 15 stilga hiti og sól, útikaffihússtemmning...vorið er sko komið! Fengum svaka fínan grillmat hjá Einari, Döggu og Kötlu í gær. Kíktum svo aðeins í bæinn... enduðum svo heima hjá Dísu að horfa á Lord of the flies. Við tókum svo lestina heim rétt eftir hádegi í dag og skriðum beint upp í rúm og sofnuðum. Maður er alltaf svo þreyttur eftir ferðalög.
Nú er ég orðin þreytt í fingrunum af því að skifa. Maður á náttúrulega ekki að láta bloggið sitja svona á hakanum, en maður hefur ekki alltaf tíma og er ekki alltaf í stuði til að skrifa.
Adios

undercover lögreglumenn og bakverkur!
Ég er ekki alveg í blogg-gírnum þessa dagana.... eiginlega ekki í internet gírnum. Ég fer rétt á internetið til að tékka á mailinu mínu og læt það bara duga.
Lífið gengur sinn vanagang hérna í Höfninni. Ég sendi frá mér umsókn inn í Malmö háksóla í síðustu viku. Snemma í því núna. Kemur svo bara í ljós hvað verður.
Skólinn gnegur bara ágætlega en ég get ekki sagt annað en ég sé bara mjög fegin að það sé að koma páskafrí. Ég er líka að fara í svo skemmtilega ferð. Bæði til Berlin og Prag. Ég vona að ég geti verslað mér eithvað.. ég verð þá bara að fá mér vinnu þegar ég kem heim. Annars verður þetta aðallega menningarferð og ætlunin er að skoða þessa fallegu borg.
Það var svona frekar sérstakur dagur hjá mér í gær. Ég vaknaði um 6 leytið og var alveg að drepast í bakinu... veit ekkert út af hverju! ... en ég ákvað að harka þetta af mér og fara á æfingu með Anne Marie, við þurfutm hvorugar að mæta í skólann svo það var alveg upplagt að byrja daginn á smá æfingu og fara svo í frokost saman. Alla vega, þá ákvað ég að fara á bílnum því ég nennti ekki að taka strætó og meikaði ekki að hjóla í rigningu. Svo allt í einu var ég farin að taka eftir því að það var svona lítill fjólublár Peugot á eftir mér .... fylgdi mér helminginn af leiðinni. Svo stoppa ég fyrir utan húsið hjá Anne Marie, þá stoppar litli peuogtin líka og út steig maður og labbaði í áttina að bílnum. Ég var þá orðin pínu smeik get ég sagt ykkur. Hann dregur upp veskið úr vasanum og sýnir mér lögregluskýrteini. Ég fór alveg í panik, hvað gerði ég nú? Sjitt og ó mæ gad og allt það.... fór að hugsa svona til baka hvort að ég hafi gert eithvað vitlaust. Það er einhvern veginn allt öðruvísi að vera stoppaður af löggunni hérna en heima... mér finnst það bara mikið minna mál heima á Íslandi. En ég allavega opna hurðina og þá er hann bara að spurja mig hvaðan bíllin sé, því að hann hafi ekki þekkt númeraplötuna. Svo fer hann að spurja mig hvað ég sé búin að vera með bílinn lengi hérna og hvað ég ætli að vera með hann lengi, en ég var bara eins og hálfviti og gat ekki talað almennilega... ég hled bú bara að hann hafi haldið að ég hafi ekki kunnað að tala dönsku eða eithvað.. Alla vega þá hirfu þessir politi gaurar á braut og ég er að ég held ekki í neinum vandræðum. Við skulum alla vega vona að það verði engir eftirmálar... það væri alveg mín heppni.
Við Anne Marie fórum s.s. á æfingu ogí hádegismat og svo kom ég heim og lagðist fyrir til að hvíla á mér... dottaði smá og þegar ég vaknaði aftur.... ÁÁÁÁÁÁIIIIIII!!!! Bakið á mér. Ég gat bókstaflega ekki sest niður, ég varð annað hvort að liggja eða standa. Ég er því búin að éta pillur í dag til að komast í gegn um daginn... það var langur skóladagur hjá mér. Fegin var ég að komast heim og geta lagt mig. Kvöldinu er ég svo búin að eyða í það að horfa á íslenska þætti á netinu , skoða blogg og vera á msn... langt síðan ég hef tekið svona langa tölvusession og langt síðan ég hef nennt að blogga svona langt, eða blogga bara yfir höfuð. En áður en þetta verður of of langt þá ætla ég bara að kveðja og vona að þið hafið haft þolinmæði til að lesa til enda. Bless í bili.

SVÍÞJÓÐ:FERÐASAGA
Við Rafnar skelltum okkur til Svíþjóðar í dag til þess að kíkja á opið hús hjá háskólanum í Malmö.
Ég var búin að hlakka svo rosalega til því ég hafði aldrei komið til Svíþjóðar. Ég var eins og smákrakki á leiðinni.... fannst svo fyndið að geta bara farið upp í lest í smá stund og vera komin í eithvað annað land eftir bara nokkrar mínútur.
Við vorum nú ekki lengi að finna skólann og byrjuðum á því að ráfa um húsið og reyna að átta okkur á svona hvernig landið lá, þá kom einhver voða næs stúlka upp að mér og bauð mér hjálp. Hún kynnti mig fyrir prófessor sem sér eithvað um námið sem ég ætla að sækja um. Hann spjallaði við mig svolitla stund, ég sagði honum frá hvaðan ég kom og hvað ég væri að læra í Hróaskeldu o.s.frv. og svo var hann, ásamt annari konu akkúrat með fyrirlestur um þetta nám 10 mín. seinna. Sá fyrirlestur fór fram á sænsku og ég mátti hafa mig alla við til þess að skilja hvað þau voru að segja... svo voru þau alltaf að spurja mig um eithvað... hvenrnig sumt væri í Hróaskeldu og þá átti ég að segja öllum frá því og eithvað. Þetta var mjög áhugavert. Eftir fyrirlesturinn þá flýttum við okkur að labba niður í bæ til að finna okkur eithvað að borða. Vá hvað ég hef valla lent í því að verða eins svöng. Burger King reddaði því! Svo skelltum við okkur í 2 súpermarkaði því það er eitt af því skemmtilegasta sem eg geri þegar ég fer til útlanda... við keyptum svolítið inn af dóti sem fæst ekki í Danmörku... alla vega ekki hérna í Netto og eins og t.d. piparsósu og rautt Extra. Ég keypti mér síðan eina skyrtu í HogM. Við röltum síðan aðeins um og tókum lestina heim og komum akkúrat í kvöldmatinn.

Oscar
Nú er klukkan 03:30 og ég er ennþá vakandi og er að horfa á Oscarinn... ætli ég geti haldið mikið lengur áfram... það er spennandi.
Þetta lítur nú allt saman rosalega vel út hjá þeim þarna í Kodak... flottir kjólar og mikið um dýrðir.
Ég er ekki frá því að ég sé farin að kvíða soldið fyrir því að þurfa að vakna kl. 8 til að fara í skólann í fyrramálið. Langur dagur.. kem ekki heim fyr en um 5 leytið. Ég verð þá bara að leggja mig þegar ég kem heim, það er hvort sem er ekkert skemmtilegt í sjónvarpinu á mánudögum.
Ég segi góða nótt.. ég ætla að vaka eitvað lengu, mig langar að sjá Beoncey syngja aftur.... hún var geðveik í fyrsta atriðinu sínu þar sem hún söng á frönsku.

Það er rosalegur sunnudagur í mér núna.
Sunnudagur þýðir það að maður eyðir næstum öllum deginum í að lesa... af því að maður hefur verið latur alla helgina já já.. Sigrún bakaði súkkulaðiköku og mamma bjó til kakó svo sitja pabbi og Rafnar og horfa á fótbolta.... gæti verið meiri sunnudagsstemmning?!
Ég er ekki alveg að átta mig á orkuleysinu hjá mér. Ég er bara alltaf þreytt. Ég held bara svei mér þá að þetta sé kuldanum að kenna. Það er sko búið að vera svakalega kallt hérna undanfarið og húðin mín hefur sko aldeilis fengið að finna fyrir því. Ég er eins og skrímsli í framan ég er með svo mikið exem. En ég spái því að eftir næstu helgi komi vorið hérna hjá mér... við skulum vona að ég hafi rétt fyrir mér.
Ég veit nú að ég á ekki eftir að hafa mikla orku á morgun... ég ætla að vaka í nótt og horfa á Oscarinn. Ég hef aldrei getað vakað en núna ákvað ég að venja mig við og fara seint að sofa í gær og vakna seint svo nú ætti ég að geta haldið út. Sjáum til hvernig það gengur. Það er svo svakalega gaman að sjá alla flottu kjólana og allt fína fólkið streyma inn í Kodak höllina.
Nú ætla ég að halda áfram að lesa sögu.

Góðan föstudag! Þetta er orðið að eins konar vikuannáli hérna hjá mér.
Ég er nú voða lítið búin að gera í þessari viku. Aðal málið á dagskrá núna er páskafríið. Sefnan er tekin á Prag. Við Rafnar ætlum að keyra með mömmu og pabba til Prag og skoða okkur um aðeins þar. Það er nú bara eins gott að hótelið sem við verðum á verði betra en hótelið sem ég var á síðast þegar ég var í Prag... manstu Eva Ruza.... Ekki fer ég þangað aftur. Ég er búin að taka að mér að vera túlkur þarna.. enda kann ég alvg heil 4 orð í tékknesku. Vön manneskja sko. Hef verið þarna í 4 daga. Það verður nú gaman að fara aftur þangað því við náðum ekki að skoða neitt voða mikið þegar ég fór með kórnum. Maður fer nú eithvað í búðir... en Prag er náttúrulega París Austur Evrópu.... verðlagið þar náttúrulega bara gott.
Skólinn er bara eins og svona ágætt að gera þar. Ekkert mikið um það að segja. Það verður mikið um dýrðir á Kagsaakollegie á morgun. Það verður sing star partí #2 alltaf gaman að láta eins og hálfviti í sing star.
Það stefnir annars allt í afslöppun í kvöld... aldrei að vita nema að maður kíki í bíó samt eða eithvað... það er svo mikið sem ég á eftir að sjá. Ég er búin að vera frekar léleg að fara í bíó upp á síðkastið.
Ég var að heyra danska Euovision lagið áðan... og mér leist bara nokkuð vel á það. Frekar svona týpískt danskt Eurovision lag. Hlakka til að heyra framlag Íslands, Selma bara á leiðinni aftur. Ég held að það sé bara ágætt.
Njótið helgarinnar.

Góður föstudagur!
Þetta er búið að vera mjög góður dagur hjá mér. Ég vaknaði bara þegar ég vaknaði kl.hálftíu og fór fram úr og við tókum aðeins til og þrifum, það er svo notalegt að hafa fínt hjá sér um helgar. Svo fór ég á nýja hjólinu mínu :) niður í bæ og hitti hana Anne Marie. Við fórum og röltum á Strikinu og skoðuðum í búðir þangað til mér var orðið illt í bakinu. Ég var einmitt að rifja upp áðan þegar við vorum í Kaupmannahöfn stelpurnar að vinna í póstinum. Þá fór ég einhvern tíman og verslaði fyrir held ég 60.000 kr á tveimur dögum. Það var svo ógeðslega gaman! Ég hefði alveg getað gert það núna í dag því ég sá helling af flottum vor og sumar fötum. Búðirnareru fullar af nýjum sumarvörum. Æ hvað ég get ekki beðið eftir sumrinu. Það er nú bara mánuður í vorið hérna hjá mér. Eftir þetta blessaða búðaráp settumst við inn á kaffihús og kjöftuðum, svo lá leiðin heim og ég var að enda við að borða dejlig pizza frá honum Massimo félaga.
Pabbi á afmæli á morgun svo að það verður smá matarboð hérna, eftir það ætla ég að kíkja til Guðnýjar því hún á afmæli á sunnudaginn og ætlar eithvað að fagna því.
Það er ennþá vetrarlegt hérna í Kaupmannahöfn. Það á víst að vera svona alla næstu viku líka. Þetta er þó ekki verra en það að maður getur vel hjólað út um allt á nokkura vandkvæða. Ég vona að helgin verði ykkur ánægileg.
Toget körer ikke videre....
Góðar stundir

Ég er búin að vera að reyna að komast í að blogga undanfarna daga. Það hefur bara ekki gengið neitt voðalega vel, því sumir sem ég þekki eru mmeð tölvusýki... það þýðir að það er ekkert auðvelt að komast að í tölvuna. En nú er ein tölva í vibót komin á heimilið, þá ætti þetta að verða betra. Það er ein tölva á mann hérna hjá okkur, við erum 5.
Ég er var að fá mér nýtt hjól í fyrradag. Svart fallegt ömmuhjól með körfu. Ekkert smá ánægð með það. Ég keypti það í stórmarkaði hérna rétt hjá í Kvickly. Frekar skrítið að fara með heilt hjól á kassan....
Ég er rosa glöð yfir að vera komin með nýtt hjól! Laus við gamla beyglaða hjólið mitt! :)
Það er bara búið að vera vetrarveður hérna í Kaupmannahöfn. Við erum mikið búin að hlægja af þeim því þeir taka þessu svo alvarlega. Á laugardaginn var allt í panik hérna og fólk varað við að fara út í "óveðrið" sem var á okkar mælikvarða bara smá veður.
Allt er komið á gott skrið í skólanum. Ég er í frábærum hóp. Notaði söu taktík í ár og á síðustu önn. Valdi mér góðan hóp, en stóri plúsinn er að ég er líka að vinna drauma verkefnið mitt.
Prófesorarnir sem ég er með núna eru soldið venjulegri en þeir sem ég var með í fyrra.... maður veit nú samt aldrei, þeir gætu komið manni á óvart:)
Hef ekki tíma til að skrifa meira í bili.
Skrifa fljótt aftur