Það er víst kominn tími á að ég skrifi á þetta blessaða blogg mitt.
Það gekk nú ekkert of vel með Malmö háskóla.. en í fyrstu umferð var ég númer 28 og það eru 22 sem komast inn... sem sagt þá er ég nr. 6 á listanum. Ég fæ að heyra frá þeim aftur 9. ágúst. Eftir þessi vonbrigði þá stólaði ég á Hróaskeldu að hleypa mér inn í skólann. En á föstudaginn kom bréf til mín og í því stóð að mér hefði ekki verið veitt skólavist hjá þeim. Ég varð mjög svekkt. Fór bara MJÖG snemma að sofa á föstudaginn því ég var eithvað svo pirruð á þessu stressi. Næstum allri helginni eyddi ég í það að finna út úr því hvað ég gæti gert, hvað ég gæti sótt um í staðin o.s.frv. ég var búin að finna mjög áhugavert nám í CBS(Caupenhagen business school) en þá kom babb í bátinn. Ég var búin að pakka niður afrtitunum af einkunnunum mínum ofan í kassa og sá kassi var lengst inn í bílskúr... undir allri búslóðinni okkar! Great! og MK lokaður vegna sumarfría. Ég í panik kasti hringdi út um allt og í alla! Hvað á ég að gera? Þá datt mér það snjallræði í hug að hringja í Hróaskeldu ig biðja þá um að senda mér einkunirnar til baka. Ég hringdi og bar upp ósk mína. Sú sem ég talaði við bað mig um að gefa upp kennitölu. Þá sá hún það að ég hefði verið tekin inn í skólann! Ég alveg gáttuð! Er det rigitigt! Þá var bara bréf á leiðinni til mín! Vá hvað ég varð ekkert smá glöð! Ég var alveg mjög hallærisleg og sagði öll hallærislegu upphrópunar orð í dönsku. Hva cool! Tak! super! oj hvað ég var halló! Alla vega þá er ég komin inn í RUC, international basic sudies programme. Ég er búin að flytja flest mitt dót út. Ég er bara með eina stóra ferðatösku hérna hjá mér. Ég bý hjá Rafnari þangað til ég fer út þann 16. ágúst:) Þá flyt ég á Hollænderdybet 20 á Amager. Ekki skemmtó? Hí hí
Nú líður mér alla vega soldið betur í sálinni því ég veit að ég er örugg þarna inni. Það er ógeð að vita ekkert hvað maður er að fara að gera. Ég verð að hafa að minnsta kosti hálfs árs plan!
Allt er gott sem endar vel

Jæja þá er kominn þriðjudagur í örlagavikunni miklu!
Helgin var annars alveg ágæt hjá mér. Ég fór í svakalega kósí útistemmningu í vinnuskólanum í Kópavogi. Ég og Eva María gerðumst boðflennur í unglingavinnuflokkstjórafest..(langt orð) við vorum úti í góða sumarkvöldinu og sungum útilegusöngva og rokksöngva og poppsöngva og okkar söngva.... alla vega þá var hann Árni Thor nokkuð lagin að spila á gítarinn og kunni alveg helling af lögum.
Á laugardaginn fór ég til hennar Systu og lét hana hjálpa mér í því að viðhalda ljóskunni.. Ég er ekki þessa dökkhærða týpa... ekki nógu gáfuð held ég.. hehe.
Um kvöldið fór ég með Guðnýju skvís og Fatimu vinnufélaga hennar (reyndar líka Katrínar) í svaka partí í Ýmishúsinu.. Þar hitti ég hana Guðrúnu Birnu og ég skal sko garantera það að þar lak svitin af mannskapnum. Það var mikið dansað. Mikið gaman, mikið fjör.
Svo var haldið á heimavöll Guðnýjar, þ.e.a.s. Vegamót.... ég veit ekki hvað hún gerir þegar hún flytur til DK eftir 1 og 1/2 viku og kemst ekki á Vegamót... kannski að það sé staður í Viborg sem heitir "krysvej".
Merkilega er að ég hitti enga af kellingunum... þótt að ég hafi rölt mikið um bæinn.. Það fannst mér svolítð leitt.. en ég gat ekkert einu sinni hringt því að ég hafði gleymt símanum mínu.. Eu!
ég nefndi það í fyrstu setningu þessarar færslu að vikan sem nú er að líða væri örlagavika. Það er nefnilega á leiðinni bréf í pósti til mín frá Háskólanum í Malmö með svari um það hvort að ég komist inn í skólan eða ekki! Ég er með svo mikinn hjartslátt allan sólarhringinn og lófasviitinn sprettur eins og músin í móa!
Það var ekki sérlega uppörfandi að kíkja á heimasíðu skólans. Þar voru þær upplýsingar að 600-700 útlendingar sóttu um skólavist en aðeins 200 manns var hún veitt. Ég reyni að vera jákvæð og vona það besta. Það væri nú ekki heimsendir að komast ekki inn. En þau vita þá ekki af hverju þau eru að missa! :)
Jæja ég er búin að vera ótrúlega dugleg í vinnunni í dag og lækka bunkann á skrifborðinu mínu sem var orðinn 530m yfir sjávarmáli niður í 300m yfir sjávarmáli. Nú ætla ég að minnka hann enn frekar..
hej hej allíúbba!

Thank God it's Friday!

Það er bara allt að gerast!
Vá hvað ég er syfjuð... Ég held að ég ´þurfi virkilega á því að halda að fara snemma að sofa í kvöld. Sjáum nú til með það.
Það komu 3 að skoða íbúðina í gær. Mamma og pabbi lofuðu að það yrðu ekki fleiri. Vonandi er bara búið að finna leigendur. Það var komið 1 tilboð í gærkvöldi. Þetta er bara að gerast! I'm leaving!
1 og hálfur mánuður eftir á Íslandi og svo bara : adios amigos!
Ég fann svona sterkt fyrir því þegar fólkið var að skoða húsið mitt. Mér fannst það ekkert svo þægilegt!
Farin í afmæli hjá Arnari litla frænda sem er orðinn stór strákur að fara í 3. bekk :)

Goð helgi
Föstudagurinn var bara tekinn rólega. Svo vaknaði ég snemma á laugardaginn og tók til aðeins heima því að húsið er bara alltaf í rúst þegar ég og Sigrún erum einar heima! Svo fór ég til Guðnýjar í Zöru og fann á mig föt til að ha' paa í bryllupinu.... Ég var ekki í hendingskasti eins og ég bjóst við og ég gat alveg tekið minn tíma í að gera mig til. Sem er ágæt tilbreyting frá því að vera alltaf á seinustu stundu. Ég var bleik og hvít... mjög sumarleg :)og í stíl við þemað í veislunnu :) Það var mjög gaman að fara í brúðkaup. Athöfnin var í Kópavogskirkjunni góðu. Allt saman voðalega fallegt. Svo var haldið í veislu í flugvirkjasalnum. Æ það er alltaf einhver svo sérstök stemmning í svona brúðarveislum. Allir voða krúttlegir. Ég hefði sko ekki viljað vera singúl í þessu brúðkaupi, Öll pör voru svo mikið að knúsast og allir væmnir og glaðir.
Í gær var ég svo bara heima og tók á móti fólki sem var að skoða íbúðina. Mamma og pabbi eru sko í sumó og þess vegna kemur það í minn hlut að sýna hana fólki. Aftur þurftum við Sigrún að standa á haus við að taka til. Ég skil þetta ekki! Hvernig geta tvær manneskjur draslað svona mikið til!?!?
Ég er afskaplega þreitt í dag því að ég vakti eftir frænda mínum sem var á Metalica. Hann kom heim alveg rennandi blautur af svita og alveg uptjúnaður. Við fórum ekki að sofa fyr en rétt fyrir 3 í nótt. Það var því erfitt að vakna í morgun. Ég skreið svo út í bíl í hádegishléinu mínu og lagði mig... það var samt eiginlega of kallt til þess að sofna. Nú er ég farin heim að sýna íbúðina aftur!

Ég hef átt mér marga uppáhaldsþætti um æfina... ég var að skoða nokkra þeirra..... Muniði eftir öllum þessum þáttum?

Life goes on

Obladí oblada lif goes on......Becca og Corky ....

My so called life

Like... uppáhalds like þátturinn minn like í like mjög langan like tíma.

ER

Dundurrum dundurum dundurum dunndum... ennþá get ég horft á þessa þætti! Klassík!

Baywatch

don´t you worry, it´s gonna be allright! Mich Bucanan er á vakt!

Beverly Hills 90210

Sá nookkra þætti á síðasta ári. Þetta er bara klassískt. Það er tíkin og það er góða fólkið og það er dópistinn og allt eftir uppskriftinni.

Friends

Sniff sniff! Ahbú! ég sakna þeirra! en maður getur alltaf horft á þá aftur og aftur og aftur og grenjað gjörsamlega úr hlátri!

Jæja!
Ég get þetta ekki lengur.
Ég skil þetta eiginlega ekki. Það er eins og maður sé orðinn haður því að blogga... enda búin að gera það í eitt og hálft ár... með smá pásum samt! Ég er allavega hætt í pásu... þó að ég sagðist ekki ætla að blogga neitt þangað til um miðjan júlí.
Ég var að horfa á Honey með systur minni. Það voru allir búnir að sjá þessa mynd nema ég. Vá hvað það er gaman að horfa á dansana! Mig langar að geta dansað svona. Kannski í næsta lífi... ja nema ef ég mundi helga líf mitt danslistinni hér eftir.
Framundan er helgin... Þetta er svolítið merkileg helgi. Fyrir ári, fyrstu helgina í júlí kynntumst við Rafnar. Já ég trúi því ekki að það sé komið ár síðan. Ég var svo glórulaus eithvað... nýkomin heim frá Danmörku og minnst!!! að pæla í einhverjum strákamálum þannig. En hlutirnir gerast oft þegar maður á síst von á þeim. Ég er núna að skrópa á ættarmóti. Ég hafði ekki sérstakan áhuga á að fara... eða svoleiðis þó svo að það sé alltaf gaman að fara vestur í Önundarfjörð. Okkur Rafnari er líka boðið í brúðkaup á morgun og ekki vill maður missa af svoleiðis stór viðburðum... (jafnvel þó að ég þekki ekki brúðhjónin neitt voða vel) Ég þarf að fara í bæinn á morgun og finna mér einhvern bol til að vera í... ég ætla að reyna að vera svolítið sumarleg í hvítu pilsi og sumarlegum bol. Ég skal veðja að ég verð alveg á síðustu stundu að þessu. Annað hvort er tíminn svona fljótur að líða alltaf eða þá að maður er svo busy!
Anyways... ég ætla að halda áfram að nördast
ciao!

Þetta er hann Depill voffinn minn.
Hann vantar eithvað gott heimili í 1 ár því að við erum öll að fara að flytja til Danmerkur í ár.
Mamma, pabbi og sigrún koma svo aftur heim næsta sumar. Ef þú lesandi góður veist um einhvern góðan sem hugsanlega væri til í að taka hann að sér í ár... þá máttu endilega speak up!

Bara svona ef að þið hafið ekki tekið eftir því lesendur góðir þá er bloggarinn í mér í sumarfríi.... Hann stefnir á að koma úr fríi eftir mánuð.... s.s. um miðjan júlí.

Ferðahelgi #2
Nú styttist í það að við Rafnar leggjum í hann vestur á Snæfellsnes. Það verður Íslandsmeistaramót ISA í Big Jump á jöklinum á laugardaginn og ég ætla að fara og watch and learn! Það á víst að verða ágætist veður þarna á vesturlandinu, betra en fyrir sunnan þannig að ef að þið mætið kolamola sem heilsar ykkur eftir helgi þá látið þið ykkur ekki bregða ;) Það er rosa flott park þarna, búið að búa til helling af stökkpöllum. Ég er nú kannski ekki manneskja í það, en ég ætla eitthvað að reyna að standa í fæturnar á bretti.
Seeya!

Sveitasæla
Ég fór í sveitina mína síðustu helgi, í Hjarðardal í Önundarfirði. Það tekur alveg 6 tíma að keyra þangað... og ekki skemmtilegustu vegirnir sem maður keyrir. Mest allur laugardagurinn fór í það að sofa og ná úr mér pest sem ég náði mér í. Eftir vænan blund vaknaði ég svo um kvöldmatarleyti alveg nokkuð hress, svo að eftir mat var um að gera að skella sér á rúntinn á Ísafjörð. Við fórum nokkra rúnta á Silfurtorginu og tékkuðum á bílaflota bæjarins (aðallega Arnar frændi minn sem er mikill áhugamaður um allt sem heyrist í bruummbruummm!!) Það var svaka upplifun... mætti kannski kalla Ísafjörð Selfoss vestursins.... Annars skildist mér á heimamönnum að það væri Bolungavík... ég skal ekki segja. Alla vega þá hef ég ekki upplifað staðinn með þessum hætti áður. Á sunnudaginn voru svo mikil veisluhöld og mikið gaman. Tveir litlir/stórir frændur mínir að fermast. Um kvöldið fór ég svo út að leika með krökkunum og lærði nýjan leik! Þrír hlutir heitir hann og er svona blanda af ,,Fallin spíta" og ,,Eina krónu". Ég var alveg að lifa mig inn í leikinn og kastaði mér bara í þetta og fékk örugglega meiri grasgrænu á fötin mín en hinir krakkarnir. Eftir kröfturga fjallgöngu á sunnudeginum keyrði ég heimá leið. Ég hitti Rafnar í Borgarnesi og keyrðum við saman restina af leiðinni heim. En hann var á Snæfellsjökli að brettast eithvað, bæði á snjóbretti og surf bretti.

já ég viðurkenni það!
Ég er versti bloggarinn! Engar afsakanir!
Ég er lasin núna. Fór veik heimúr vinnunni í gær og svaf alveg fram á kvöld.´Svo skrapp ég rétt aðeins í vinnuna áðan til þess að leysa af. Nú er ég heima að hvíla mig. Ég fer svo að leggja af stað í sveitina mína. Já ég verð á slóðum Gísla Súrssonar um helgina. Ferðinni er heitið í Önundarfjörðinn. Í sumarbústaðinn okkar. Frændur mínir eru að fara að fermast og ekki missir maður af því. Besta veðrið verður hjá mér um helgina og ég ætla bara að vona að mér fari að batna. Kem með svo sveitasögu eftir helgi!
Ciao

já ég viðurkenni það!
Ég er versti bloggarinn! Engar afsakanir!
Ég er lasin núna. Fór veik heimúr vinnunni í gær og svaf alveg fram á kvöld.´Svo skrapp ég rétt aðeins í vinnuna áðan til þess að leysa af. Nú er ég heima að hvíla mig. Ég fer svo að leggja af stað í sveitina mína. Já ég verð á slóðum Gísla Súrssonar um helgina. Ferðinni er heitið í Önundarfjörðinn. Í sumarbústaðinn okkar. Frændur mínir eru að fara að fermast og ekki missir maður af því. Besta veðrið verður hjá mér um helgina og ég ætla bara að vona að mér fari að batna. Kem með svo sveitasögu eftir helgi!
Ciao

Vó ! HVERT FÓR VIKAN?
Ok það var 1 frídagur í vikunni sem stytti hana aðeins. Mér finnst þetta bara mjög gott að vikurnar líði svona hratt því að ég er í einhverju svona millibilsástandi... ef þið vitið hvað ég á við... En ef við lítum á þetta í stærra samhengi þá er þetta nokkuð slæmt. Því hraðar sem manni finnst tíminn líða... því fyr verður maður gamall! Ég er skíthrædd við að verða gömul! og mig langar ekki að vera fullorðin.

Ég fór á útskriftasýningu Listaháskóla Íslands í dag í hádeginu. Ég hafði nú ekki mikinn tíma og þeyttist þarna í gegn. Reyndi að skoða sem mest. Þetta er rosalega skemmtileg sýning og mæli ég með því að kíkja á hana. Ég er jafnvel að hugsa um að fara aftur um helgina og taka einhvern með mér og taka mér góðan tíma í þetta. Það eru þarna nokkur verk sem vekja upp hjá manni hlátur og það er svo erfitt að vera einn þegar maður lendir í þannig aðstæðum. Það er alltaf betra að hafa einhvern með sér þegar maður hlær, annars er það svo vandræðalegt.

Jæja þá er eurovision helgin að ganga í garð. Þetta byrjar bara nokkuð vel. Það er að byrja grillveisla í vinnunni minni. Svo er aldrei að vita hvað ég geri í kvöld. Svo er aðalpartíið annað kvöld hjá ÍvMArí!Ekki er ég búin að ákveð hvaða lag ég ætla að kjósa... ég ætla bara að láta það ráðast á morgun... það eru þarna nokkur ágæt lög. Trúið mér! Ég er búin að stúdera þetta! Go'weekend!

Sorrí!
Þessa dagana hef ég ekkert að segja... alveg ótrúlegt. Mér finnst bara ekkert merkilegt að gerast og ég hef ekkert merkilegt að hugsa um. Það koma svona dagar þar sem maður er alveg dauður. Ég lifi bar þvílíku rútínulífi. Vakna fer í vinnuna og geri það sama á hverjum degi, allt í sömu röð. Skoða svo bloggin, allt í réttri röð. Fer svo heim og horfi á sjónvarpið, fer í tölvuna og kannski út að hlaupa. Fer svo að sofa. Hitti valla fólk. Ég er svo þreytt þegar ég er búin í vinnunni á daginn að ég bara meika valla að fara út. Það er ekki eins og ég sé í þvílíkt líkamlegri vinnu. Maður verður svolítið svona þreyttur á sálinni eða svoleiðis. Það er stundum svo mikið áreiti. Ég er meira og minna allan daginn að svara fólki sem er ósátt og lendi í því stundum að vera kölluð einhverju miður fallegu. Maður mundi halda að það mundi venjast. En ég held að maður geti barasta ekki vanist því. Maður venst því ekki að fólk sé dónalegt við mann. Það er bara ekki rétt. Hlakka til að byrja í skólanum mínum.... hver sem hann verður.... (~,~,~) Hitta fólk sem maður á samleið með og nota heilann eithvað. Takast á við einhver verkefni! Gera eithvað spennandi. Það verður gaman. Get ekki beðið. Ég hætti að vinna 6. ágúst... spurning hvað gerist þá. Danmörk, Svíþjóð eða Ísland... kemur í ljós.

Æ ég ætlaði að fara að lesa mér eithvað til um tísku... mér finnst ég allt of fáfróð um hana. Ég er hrædd um að ég hafi ekki fylgst nógu vel með Sex and the city... Alla vega þá er ég búin að finna eina stórgóða tískusíðu. Endilega kíkið! Í leiðinni fann ég líka þessa skemmtilegu síðu um hann Magga Schev og gítarsnillinginn Símon Ívarsson. Eftir að ég var búin að skoða þetta þá fór ég bara í það að finna gamlar lummó síður... Ég held að áhugi minn á tísku sé takmarkaður... Það er pottþétt ástæða þess að ég veit ekki mikið. Ég veit samt hvert ég á að leita ef mig vantar ráð varðandi há tísku.
Það var nú margt skemmtilegt sem ég fann. Ég er allavega búin að skemmta mér vel hérna. Það er bara verst að ég get ekki sýnt ykkur heimasíðu sem ég gerði í heimasíðugerð í MK. Hún hefði slegið allt út! Vá það var sko síða í lagi! Svona hawaiian look! En samt aðallega handboltamyndir og handbolta umfjöllun og já einhver hollustugrein. En alla vega þá eru hérna smá sýnishorn af þeim gífurskemmtilegu síðum sem ég fann. Njótið
Smá fashion hérna...
Þjóðdansafélag Reykjavíkur Ekki sem verst!
Stangveiðifélagið Fengsæll Akranesi Svona líka hressir stangveiðimenn! Með flottan background!
Páskar 1998
Já og google frá árinu 1998

Ég er fíkill!
Ég er orðin svo mikill fíkill! Það er alveg ótrúleg! Þessi fíkn mín er samt held ég svolítið sérstök. Þetta er sennilega svolítið ný tegund af fíkn. Ég er bara sjúk! Ég verð að fylgjast með öllum bloggsíðum sem ég veit um. Kíki á þetta mörgum sinnum á dag. Ég er oft ekkert voðalega upptekin í vinnunni og þá nota ég tímann vel og fylgist með öllum færslum. Það versta er samt að þegar ég er búin í vinnunni verð ég bara að komast í tölvu og tjekka aðeins... s.s. búin að sitja fyrir framan tölvuna í níu og hálfan tíma og er ekki komin með nóg! Svo áður en ég fer að sofa þá þarf ég aðeins að kíkja ,,rúntinn" ... jafnvel komin upp í rúm og er eithvað að hugsa, svona eins og maður gerir þegar maður er að fara að sofa... þá þarf ég stundum að fara fram úr og kveikja á tölvunni, bara til að athuga aðeins. Ég held samt að þetta eigi eftir að lagast með tímanum. Ég fékk svona batman fíkn um daginn.... ég fékk svona spenning í magann ef ég hugsaði til þess að það væri kominn nýr spennandi linkur á batman. Nú er ég eiginlega hætt að kíkja á batman... geri það bara einstöku sinnum. Það getur bara ekki verið að ég sé ein á báti með þessa fíkn! Kannast aðrir við þetta???

Æ hvað ég tímdi ekki að vakna í morgun. Ég er greinilega búin að yfirstíga þessa imsomniu og gengur bara ljómandi vel að sofa. Í nótt, eða í morgun dreymdi mig svo rosalega skemmtilegan draum að ég tímdi ekki að vakna og skemma allt. Ég snoozaði nokkrum sinnum og hélt áfram að dreyma. Ég man ekki nákvæmlega hvað það var. En ég man að ég var að spila handbolta og var mjög léleg... ég er orðin svo aum, ekkert búin að lyfta í langan tíma. Þess vegna gat ég ekkert. En einhverra hluta vegna fanst mér þetta svakalega skemmtilegur draumur. Þetta er örugglega undirmeðvitundin að segja mér að ég sakni handbolta. Ég var náttúrulega að fylgjast með æsispennandi leik ÍBV og Vals kvenna í gærkvöldi... Það hefur setið í mér. Btw. samúðarkveðjur til Hafdísar. Þetta er nú bara 1. leikurinn!

Ég var að lesa yfir nokkrar færslur hjá mér. Damn hvað ég er jákvæð manneskja! Það er allt svo gaman og allt svo spennandi og ég hlakka til alls! Já margt er skrítið í kýrhausnum. Ég held að ég þegar ég er eithvað blá, þá vilji ég bara ekki deila því með öðru fólki. Auðvitað kemur það alveg fyrir mig eins og annað fólk að mér finnst eithvað leiðinlegt og ég er alveg einstaka sinnum í vondu skapi. Ég verð þó að viðurkenna það að það er ekki oft.

Erfið nótt
O my o my! Ég er svo þreytt. Mér kom ekki dúr á auga í alla nótt. Ég fór frekar snemma upp í rúm því að ég var með hausverk. Mjög óþægilegan hausverk... gat ekki talað eða neitt. Ég hélt að ég yrði svo fljót að sofna, því að ég var búin að gera helling um dagin. Fara í Smáralindina og Kringluna og kaupa línuskauta og bol. Fara út að hlaupa og fara síðan á línuskauta um kvöldið með Guðrúnu Birnu og Ólöfu systur hennar. En nei nei allt kom fyrir ekki! Ég bara gat alls ekki sofnað. Ég fylgdist með klukkunni verða 12,1,2,3,4,5,6,7 og þá var bara tími til kominn að fara á fætur. Ég var búin að reyna svo margt. Ég var búin að telja kindur, lesa, horfa á simpsons, fara í tölvuna, rembast við að sofna. Gera slökunaræfingar sem ég lærði á flughræðslunámsekiðinu. Um 5 leytið var ég orðin svo svöng að ég hröklaðist upp í eldhús og fékk mér að borða. Hvað á maður að gera ? Ég hef fengið ábendingu um að það sé sniðugt að lesa símaskrána... ég er bara ekkert viss um að mér þætti það svo leiðinlegt. Maður verður svo skrítinn þegar maður er orðin svona ofur þreyttur og pirraður að maður fer að hugsa alls kona vitleysu. Úff púff... ég ætla sko beint upp í rúm að sofa þegar ég er búin að vinna. Bara 5 tímar! Koma svo!