Það má segja að ég sé komin inn í einhvers konar rútínu núna hérna á Spáni. Nú er maður búinn að læra inn á margt hérna og ég er ekki eins ringluð. Vikan sem leið var bara eins og venjuleg vika. Ég vaknaði og fór í skólann og gerði ekki mikið annað en það. Nema á fimmtudaginn fór ég með helling af erasmus fólki, aðallega Írum, á tapas stað og við átum á okkur gat! Það var gott:) Svo fórum við Erasmus klúbbinn. Það er einn staður hérna sem gerir út á Erasmus nema. Þeir vita að það eru margir af þeim sem fara út að skemmta sér alla daga vikunnar svo að við erum sérstaklega velkomin þangað. Það var fínt að kynnast þeim stað. Ég er annars búin að hafa það gott um helgina. Það er búið að vera frábært veður hérna svo ég hef verið soldið úti. Ég held bara að vorið sé komið hérna á Spáni :) Við röltum um garðinn hérna áðan og sátum á útikaffihúsi á stuttermabolnum. Ekki amalegt :) Í kvöld ætla ég aå vera heima að læra fyrir spænsku og fara snemma að sofa. Ég hef ákveðið að vera ekkert að púkka upp á þessa siestu. Nenni ekki að leggja mig á daginn. Fer frekar bara snemma að sofa. Ég er hérna bara í nokkra mánuði, hvers vegna að tileinka sér alla siði. Ég get hvort sem er ekkert sofnað á daginn. Þessi vika hefur ekkert verið neitt viðburðarík, frekar venjuleg, ég held eiginlega að þetta sér fyrsta "venjulega" vikan mín hérna á Spáni. Hef því lítið að skrifa um. Vonandi hef ég eithvað meira að skrifa um næst.
Bless bless

Halló
Það er langt síðan ég skrifaði hingað inn, en nágraninn hefur ekki tekið nógu mikið tillit til okkar undanfarið og hefur sennilega slökkt á netinu stundum svo það er ekki auðvelt að komast á netið. Svo er Rafnar búin að vera hjá mér í nokkra daga, en fór í morgun aftur til Danmerkur.
Hann kom á þirðjudagskvöld, svo á miðvikudaginn fór ég ekkert í skólann. Um kvöldið fórum við Rafnar, Kajsa og nokkrir írskir strákar á fótboltaleik, Real Valladolid - Deportivo. Þetta var brálaðasti fótboltaleikur sem ég hef séð. Spánverjar eru klikkaðir. Alveg nokkrum sinnum gerðist það að leikmennirnir hættu að spila fótbolta og byrjuðu að rífast og slást! Dómarinn veifaði allavega all nokkrum rauðum spjöldum og enn fleiri gulum. Ég lærði líka heilmikið í spænsku í áhorfendastúkunni. Alla vega heilmiki að ljótum orðum. Áhorfendurnir voru sí öskrandi einhver virkilega óviðeigandi orð á leikmennina, þjálfara og dómara, ekkert í líkingu við það sem gengur og gerist á Íslandi allavega. Í lok leiks köstuðu þeir svo flöskum og öðru drasli í leikmenn og þjálfara. Það fór þó ekki eins illa og í Sevilla sama kvöld, þar sem einhver kastaði tveggja lítra flösku í hausinn á þjálfaranum svo hann rotaðis og það varð að flauta leikinn af.
Ég reyndi að sýna Rafnari sem mest af Valladolid, við fengum okkur Tapas og Rafnar uppgötvaði morgunverðarmenninguna hérna... þ.e.a.s. kökur í morgunmat... en þetta var meira svona kökur í öll mál hjá Rafnari. Hann uppgötvaði líka spænskt heitt súkkulaði. Það er svo hnausþykkt að það er valla hægt að drekka það, en það féll vel í kramið. Á laugardaginn fórum við svo til Salamanca. Það tekur einn og hálfan tíma með rútu þangað. Salamanca er alveg æðisleg borg. Alveg rosalega fallegar byggingar. Salamanca er líka mun alþjóðlegri borg og þeir bjóða ferðamenn velkomna... ekki eins og hérna í Valladolid þar sem þeir vilja helst ekkert fá neina útlendinga. Eins og Valladolid er falleg borg og býður upp á margt, þá hefur þeim algjörlega mistekist að gera borgina/bæinn túristavænlega/n. Ég held að þetta sé eithvað í hugarfarinu. Ég finn fyrir mikilli þjóðerniskennd hérna.
Ég fann geðveika Zöru búð í Salamanca! - Zara Home - Vá hvað mig langði til að kaupa margt þar! Ég verð að fara í hana í Madríd þegar mamma og pabbi koma um páskana.
Rafnar fór síðan heim í morgun, svo nú er ég bara aftur orðin ein hérna. Það er ekkert sérstakt framundan í næstu viku. Bara skóli og meiri skóli, en það er nú aldrei að vita nema að maður finni sér eithvað skemmtilegt að gera. Þá segi ég þetta gott í bili.
Bless bless.

Fyrsta heila vikan í skólanum búin. Mjög áhugaverð vika mundi ég segja. Það má eiginlega segja að ég sé lögð í einelti af kennurunum. Ég veit ekki hvað það er, kannski er það Skandínavískt útlit mitt, ... ég veit eiginlega ekki hvað það er, en í hverjum tíma sem ég hef farið í hefur kennarinn beðið mig um að tala, tjá mig um skoðanir mínar á hinu og þessu, sama hvert umræðuefnið er, sama í hvaða tíma. Allir kennarar sem ég hef verið hjá muna nafnið mitt... ég hef aldrei vitað annað eins. Ég er venjulega alltaf með helling af Erasmus stúdentum, en það er bara ég sem lendi í þessu. Þetta er nú allt í lagi í kúrsum sem eru á ensku, en þegar ég er í Historia de integracion de Europa, sem er á spænsku, þá vandast málin. Fyrir það fyrsta má ég hafa mig alla við til að skilja hvað kennarinn er að segja, en svo þarf hún reglulega að heyra álit mitt á hlutunum.... og þá verð ég eldrauð í framan hjartað fer á fullt... Hvernig á ég að geta svarað á spænsku einhverri spurningu sem ég skil eiginlega ekki og allir í fyrirlestrinum eru að glápa á mig! Annars eru kúrsarnir sem ég er í ekkert gífurlega erfiðir. Þeir beita öðrum aðferðum við kennsluna hérna en þeim sem ég hef kynnst í Svíþjóð og Danmörku. Þetta líkist kannski svolítið menntaskólanum heima. Maður þarf allavega ekki að hugsa svo mikið sjálfur, bara skrifa niður eftir kennaranum og læra. Það er áhugavert að sjá muninn. Svona er skólinn.
Ég er ennþá með þetta bévítans kvef.. þetta ætlar bara engan enda að taka. Það er líka búið að vera blautt og frekar kallt hérna. Ég vona nú að næsta vika verði betri, heilsufarslega og veðurfarslega. Um helgina er ég að hugsa um að skella mér á handboltaleik! Það er stórleikur í Champions league. BM Valladolid á móti Gummersbach. Ég veit reyndar ekki alveg hvorum megin ég á að standa. Valladolid megin, því ég er búin að búa hérna í tæpan mánuð, eða Gummersbach megin því þar er slatti af íslendingum að fara að spila, svo ég tali nú ekki um þjálfarann... Nei, ég held að þetta verði ekkert erfitt val, auðvitað held ég með með íslendingaliðinu. Róbert, Guðjon Valur, Sverri og Alfreð... ekki slæmt teymi.
Svo fer Rafnar alveg að koma til mín. Bara nokkrir dagar í það! Get ekki beðið! Þá getur hann loksins séð allt sem ég er búin að vera að segja honum frá. Hann þarf auðvitað að koma með alveg hellinga af drasli til mín, þar sem ég tók aðeins eithvað um 20 kíló með mér þegar ég kom. Allavega ætla að pósta þetta áður en internetið dettur út aftur.
A luego

Nú er ég vonandi öll að koma til, enda búin að vera lasin alveg nógu lengi. Þetta leiðindakvef virðist þó ekkert vera að fara, en það verður bara að hafa það. Ég á helling eftir af snítiklútum. Ég er búin að vera mjög einbeitt að því að láta mér batna í dag og í gær. Í gær fór ég nú bara ekki út fyrir hússins dyr og í dag lá ég upp í rúmi frameftir degi, þegar ég fór fram úr, leið mér bara þokkalega loksins og kíkti aðeins út. Fórum á netkaffi (af hverju kallar maður þetta netkaffi?... það er ekki einu sinni hægt að fá kaffi þarna) og á kaffihús og fengum okkur eithvað í gogginn.
Framundan er svo bara skóli skóli!
Byrja í spænsku í fyrramálið, fer í einhverja fleiri tíma líka. Svo eru mamma og bróðir Kajsu að koma hingað á morgun. Okkur er svo öllum boðið í afmæli til Sabine á þriðjudaginn... já maður er byrjaður að eiga eithvað sósíal líf hérna.
Ég var að horfa á lagið sem vann í íslenska eurovisioninu... ég get sagt ykkur eitt, það er allavega mun betra en öll lögin sem tóku þátt hérna á Spáni!!! Mér líkaði reyndar bara mjög vel við lagið og flutninginn hjá Eiríki. En spænsku lögin, æ þetta er bara allt annar menningarheimur, hver veit nema að ég geti lært að meta þessa tónlist.

Hæææ
Loksins gat ég stolist inn á internet hjá einhverjum nágrananum. Við höfum stundum getað stolist inn á það ... en aðra daga virkar það bara engan veginn. Mér er bara búið að leiðast síðustu daga. Ég er búin að vera lasin. Fyrst var mér illt í hálsinum og svo fékk ég hita... núna er nefið á mér alveg stíflað. Ég er því að mestu leiti búin að vera heima.
Þrátt fyrir slappleika hef ég þó þurft að mæta í skólann. Það var kynningarfundur á miðvikudaginn fyrir okkur skiptinemana.. allt á spænsku auðvitað... og viti menn.. ég held bara að ég hafi náð öllum skilaboðunum. Svo seinna um daginn var spænskupróf... svona til að testa hvar við stæðum í spænskunni. Ég er meðalgóð, svo ég fer í millihópinn. Ég vil kalla mig nokkuð góða, sérstaklega þar sem að það er langt síðan ég var að læra spænsku af einhverri alvöru.
Ég mætti síðan í fyrsta tímann minn í dag. Enskar bókmenntir og póstmódernismi... nokkuð áhugavert.. kennarinn var alveg eins og Magga danska!! og frekar fyndinn karakter! Svo prófa ég fleiri kúrsa í næstu viku. Ég get alveg dregið það til 28. febrúar að velja kúrsa.. en það væri nú ágætt að fá þetta á hreint sem fyrst. Maður fær svolitla special treatment af því að maður er Erasmus stúdent.
Annars er ég farin að falla til hérna í Valladolid. Það er svo gaman að sjá hvað það eru allt aðrir siðir hér, heldur en í Norður Evrópu. Fólk borðar kökur í morgunmat, stoppar helst ekki á kaffhúsum nema í 10 mínútur, borðar ekki nammi, (það er valla hægt að kaupa neitt nammi hérna). Sefur um miðjan daginn, borðar kvöldmat í fyrsta lagi klukkan 9, vakir fram eftir öllu...fer með börnin sín á krárnar. Það er margt öðruvísi hér.
Þá er þetta gott í bili.
A luego!

Thá er ég flutt inn í íbúd í midbae Valladolid. Vid erum ekki med internet... allavega ekki enn sem komid er og eg veit ekki alveg hvernig tad fer. Vid Kajsa erum búnar ad eignast eina vinkonu. Thýsk stelpa sem heitir Sabine, hùn er skiptinemi fra Austurrískum háskóla. Vid erum búnar ad vera ad koma okkur fyrir, kaupa rúmfot og teppi... ekki saeng... heldur teppi ja. Vid byrjum svo i skolanum i naestu viku... en samt held eg ekkert fyrir alvoru fyr en i tharnaestu. Vid erum ekki einu sinni bunar ad velja kursa. Tad gengur allt frekar haegt fyrir sig herna, folk er ekkert ad stressa sig neitt of mikid. Eg a erfitt med ad venjast siestunni. Mer leidist svo mikid a milli 2 og 5.. veit ekkert hvad eg a af mer ad gera, en aetli madur fai ekki nog ad gera tegar skolinn byrjar. Eg aetla ekki ad hafa tetta lengra nun. Eg a mjog erfitt med a skrifa a tessa tolvu herna a internetkaffinu.... eg aetla ad fara a fullt a morgun og reyna ad finna ut hvad er haegt ad gera med internet.
Hasta luego

Jæja, þá er ég mætt til Valladolid!
Lagði af stað til Spánar á fimmtudagskvöld. Ég flaug frá Malmö flugvelli svo að þetta var ágætis ferðalag fyrir mig. Rafnar kom bara með mér í lestina til Kaupmannahafnar flugvallar svo ég þurfti að kveðja hann í lestinni. Ekkert auðvelt... jafnvel þó að maður telji sig vera orðin nokkuð sjóaðan í því að kveðja og fara... það er svona að vera með þetta flakkara eðli.
Við lentum heilu og höldnu í Madrid um 12 leytið og fundum auðveldlega hostelið sem við vorum búnar að bóka. Ég hef nú gist á all nokkrum hostelum, en þetta slær allt út. Þetta voru 12 manna herbergi með kojum sem jugguðust svoleðis, venjuleg mannneskja gæti ekki snúið sér á hliðina án þess að verða sjóveik, hvað þá þegar Sólveig óhemjusvefndýr var mætt. Táfýlan var líka alveg yfirgnæfandi og sígarettufnykurinn læddist upp frá setustofunni alla nóttina... Fólk var ráfandi inn og út alla nóttina...já, s.s. ég svaf held ég bara ekki neitt þá nótt. Um morguninn þökkuðum við bara fyrir og tékkuðum út, treystandi á það að við myndum finna annan gististað. Það reyndist að vísu þrautin þyngri því það var kominn föstudagur, en að lokum fundum við ágætis low budget hótel sem átti herbergi laust fyrir okkur. Daginn eftir héldum við til Valladolid. Við komum á siestu tíma svo við enduðum á sportbar sem var opinn í nokkra tíma og horfðum á rugby. Get ekki sagt að ég skilji þann leikm en þetta er allavega mjög macho íþrótt. Allavega svo upp úr 18:00 opnaði hostelið aftur og við gátum tékkað okkur inn á krúttlega hostelið okkar og skoðað bæinn. Valladolid er æðisleg borg! Alveg ekta spænsk borg. Miðbærinn og svæðið í kring um háskólann er ofsalega flott. Það eru svo miklar skreytingar alls staðar. Fullt fullt af kaffihúsum sem eru þétt setin. Enn sem komið er hef ég ekkert nema jákvætt um þessa borg að segja. Það er líka svo ágætt að þetta sé ekki nema 300.000 manna borg, ekkert yfirgnæfandi stór. Á morgun ætla ég svo að kaupa mér símakort og reyna að hringja út um allt út af íbúðum... en við fótum út um allan bæ í dag og söfnuðum númerum af íbúðarauglýsingum. Vonandi finnum við eithvað sem fyrst... því ekki tími ég að búa á hosteli endalaust. Nú er komin tími fyrir smá siestu blund hjá mér.
Hasta luego

Þá byrjar skólinn á morgun. Næstu önn tek ég í Hróaskeldu, og allur bekkurinn minn.
Það verður gaman að hitta alla aftur og kynnast fleirum. Við komum inn í annað ár á Sam Bas (svipað og það sem ég var í áður en ég skipti um skóla, nema þetta eru félagsvísindi) ...Guðrún Ösp á allvaega eftir að skilja þetta.
Helgin var ágæt. Ég var á morgunvakt sem framlengdist svolítið, svo að þegar ég kom heim var ég alveg búin. Ég gat samt engan vergin sofnað og var hálfómöguleg allan daginn. En þegar ég var að fara að sofa um kvöldið komst ég í þvílíkan svefngalsa. Eithvað sem hefur ekki komið fyrir mig í langan langan tíma. Allt sem Rafnar gerði eða sagði var fyndið. Smá egó búst fyrir hann :) Í dag tókum við Rafnar svo þátt í söfnun Barnahjálpar (Red Barnet) og tókum 3 tíma í að ganga í hús hérna í götunni og safna peningum í bauk. Ég fékk nú soldið flash back frá því að ég var að vinna í póstinum. Upp og niður alla þessa stigaganga. Svo fór ég í mat til Anne Marie og fékk fisk og kartöflur og gulrætur. Manneskjan er sú hollasta sem ég hef nokkurntíman kynnst. Hlakka til að fá komment frá mínum tryggu lesendum. Ég hef ekki verið áræðanlegasti bloggari undanfarið.. en ég er að reyna að taka mig á og blogga oftar. Nú fer ég kannski líka að hafa afsökun til að vera í tölvunni meira en ég hef verið. Þegar maður á að vera að læra, laumast maður oft á netið. Ég læt heyra í mér fljótlega, bæjó

Hvor' du fra?
Hvor' du fra?!?
-Jeg er fra havnen
Ég er komin aftur heim ladies and gentlemen.
Við erum búin að koma okkur fyrir í rúmgóðu íbúðinni okkar á Østebro og það er yndislegt. Það er svo mikið líf hérna í kring. Það eru alltaf partí hérna í kring og alltaf fólk á götunum. Meira að segja þegar ég fer í vinnuna kl. 5 á morgnanna þá er fólk úti, sumir að viðra hundana sína, aðrir úti að hlaupa, enn aðrir ennþá á djamminu og svo auðvitað rónarnir. Der hvor de trendy hænger Ég sé allavega ekki eftir hinni íbúðinni úti í buskanum. Það vill líka svo til að stelpurnar úr matarklúbbnum mínum (Oure loguen) búa allar hérna í 3 km radíus við mig og ég og Anne Marie getum næstum því kallað á milli, svo nálægt búum við. Ég hef nú ekki gert mikið annað unnið síðan ég kom frá Íslandi en það fer nú að breytast þar sem að skólinn er að fara að byrja. Það er alltaf líf og fjör á flugvellinum. Alltaf einhver kaos í gangi. Ég held samt að laugardagurinn hafi slegið allt út. Snemma um morguninn var einhver sperngjuhótun sem setti allt úr skorðum. Allar vélar seinar og allt í klessu. En þetta var ekki allt. Um kvöldið kviknaði svo í Burger King á flugvellinum og það þurfti að loka terminal 3 og öllum búðunum þar. fólk komst ekki niður til að sækja farangurinn sinn svo að terminal 2 (þar sem ég vinn) var alveg óþæginlega full af fólki.
Nú er ég búin að vera í fríi í tvo daga... eithvað sem ég þurfti svo sannarlega á að halda. Ég er sko búin að sofa vel go hvíla mig. Í dag fórum við Rafnari í rigningunni til Malmö á Malmö festivalen. Þegar þangað var komið fundum við það út að Hjálmar væru með tónleika. Auðvitað skelltum við okkur á tónleika með hjálmum og eftir þá sáum við hann Basshunter með sem er með lagið boten Anna. Þvílíkir tilburðir! Ég hef aldrei séð aðra eins sviðsframkomu. Hann var svo ótrúlega ýktur og hamaðist og hamaðist. Úff hvað hann var sænskur!
Ég veð nú bara úr einu í annað, en það er svo erfitt að blogga í fyrsta skiptið eftir langan tíma. Later

Hæ!
Ég er komin heim í heiðardalinn!
Þið getið náð í mig í gamla gamla númerinu mínu eða heima í Haukalind. Sjáumst!

Hæ!
Voðalega er ég léleg að blogga!
Sumarið í Kaupmannahöfn er náttúrulega bara alveg æðislegt. Það er margt skemmtilegt framundan. Eftir klukkutíma erum við Rafnar að fara að leggja af stað hjólandi í Parken þar sem við munum hitta Guðrúnu, Systu Helga Pál og vini hans sem ég man ekki hvað heita... nöfn birt síðar... og erum við að fara á tónleika. Þeir byrja um hádegið og standa til miðnættis! Já og hverjir eruð að fara að spila? Það eru dönsk bönd eins og Kashmir, Bikstok Røgsystem, svo verður Carpark North... hva kannist þið ekki við þetta?? Já alveg rétt svo verða líka Pet Shop Boys, Blak Eyed Peas og Pharrell!!
Ég hlakka allavega til að sjá Pharrell... úff það verður erfitt að halda aftur af Guðrúnu... en ég er búin að lofa Jesper að hleypa henni ekki of nálægt honum ;) Svo tekur við alvarleg vinnuvika... verð með vakt á hverjum degi í heila viku. Sem betur fer engin morgunvakt! En eftir þá törn tekur við Hróaskelduhátíðn. Mig er búið að langa að fara í langan langan tíma og loksins læt ég verða að því. Ég, Rafnar, Guðrún, Jesper og fleiri vinir hans Jesper og margir fleiri ætlum að klæða okkur í blá boli... sumir verða í mjög þröngum bláum bolum... og ætlum að tína dósir á hátíðinni í 24 tíma til að safna peningum fyrir samtök í Kambodíu sem vinna gegn þrælkun þar í landi. Fyrir þetta fáum við frían miða á hátíðina og eigum kost á bestu aðstöðu á hátíðinni... Tvöföld ánægja :)
Það lýtur ekki út fyrir leiðinlegt sumar hérna. Eina vandamálið er að við erum að verða heimilislaus. við eigum að vera flutt út úr íbúðinni í lok júlí, en við erum ekki búin að finna neitt ennþá.. þetta kemur allt saman.
Jæja, ég er farin að klæða mig í tónleikagallann.
ciao!

Hi People!
Hér er bara ennþá sól og sumar og gömlu konurnar alltaf í sólbaði.. og þá sérstaklega þessi crazy gamla. Ég reyndar sá inn til hennar um daginn og komst þá að því að hún er líka með sólbekk heima hjá sér! Hvað er að fólki???
Ég fór í dag með bekknum mínum í heimsókn í RUC gamla skólann minn, en við verðum í landafræðideildinni þar á næstu önn. Það var ekkert smá gaman að koma þangað í þessu góða veðri líka. Svo hitti ég líka eithvað af gömlu félögunum náttúrulega. Það eru allir svo vinalegir í RUC, mér finnst það bara alveg best. Örugglega krúttlegasti háskóli í heimi. Okkur var boðið upp á samlokur og gos og svo kökur sem mamma eins kennarans hafði bakað, ég var eiginlega búin að gleyma hvað þetta er allt saman vinalegt. Krakkarnir úr bekknum mínum voru heldur ekki að komast yfir þetta. Þau voru svo þvílíkt ánægð og eru orðin svo spennt fyrir næstu önn. Kennararnir voru líka heilmikið að tala um öll partíin sem eru haldin í skólanum og verðið á bjórnum og annað og ekki skemmdi það fyrir spenningnum, en það er álíka strangar reglur um áfengi í Svíþjóð og gilda á Íslandi. T.d. fóru mikil hlátrasköll um hópinn þegar hann Søren kennari var að segja frá þeirri reglu, sem var komið á fyrir tveimur árum, að það væri bannað að drekka bjór fyrir klukkan 4 á daginn og fyrir kl. 2 á föstudögum. En fyrir utan partíkynningar og át, þá var næstu önn kynnt fyrir okkur og líst mér bara nokkuð vel á. Mér datt ekki í hug að landafræði gæti verið svona spennandi, eins og þessu var lýst. Þar að auki verður hún Guðrún Ösp í sama skóla, það er nú ekki af verri endanum. Við munum eiga margar skemmtilegar lestarferðir saman :)
En nú held ég að það sé komið gott af þessu blaðri mínu í bili. Verið sæl.
P.s. Svona að lokum langar mig að benda ykkur á skemmtilegan gaur í Kanada sem við Rafnar erum búin að vera að fylgjast með. Hann er að vinna í því að breyta einni rauðri bréfaklemmu í hús, en kíkið endilega á þessa síðu til þess að komast að því hvernig hann fer að því. Algjör snilld skal ég segja ykkur.

Ég er að klára síðasta prófið mitt í dag :) Á að skila til kennaranst fyrir klukkan 12 í kvöld. Ekki fleiri próf, bara ein ritgerð um eithvað sem ég skil. Ekki meira um eithvað sem ég skil ekki.
Það er sko komið þvílíkt gott stuttermabolaveður hérna og það er æðislegt :) Þannig á þetta að vera. Ég ætla að joina gömlu konunum hérna í húsinu hjá mér út í garði alla næstu viku. Það eru bekkir og borð svo að ég get bara setið þar og lesið og skrifað. Það er sérstaklega ein hérna sem leggur mikinn metnað í brúnkuna sína. Hún er svona eithvað um 75 ára og er mætt út á bekkinn sinn í sundfötum snemma á morgnanna og liggur í sólbaði allan daginn! Ég hef aldrei vitað annað eins. Enda er hún nú þegar komin með þokkalegan lit.
Jæja, best að koma sér að verki aftur...
Ciao!

WARNING SKÓLABLOGG
Það er komið að prófi hjá mér enn og aftur. Það byrjaði í gær og á ég að skila fyrir klukkan 12 á miðnætti á föstudaginn. Takk kæri kennari fyrir að eyðileggja föstudagskvöldið fyrir aðaldjammara Skandínavíu! Trúi ekki að ég missi úr þessa helgi og þar að auki næsta föstudag. (hó#stk#aldhæ#ðni#hóst#) Ég er nú samt aðeins að fara niður í bæ á eftir og hitta Fred litlu Kanadavinkonu mína og aðra Kanadíska vinkonu hennar sem er í heimsókn hjá henni. Sýna þeim hvar besta ísinn er að fá og svoleiðis. En svo verður maður bara að koma sér að verki! Ég get ekki beðið eftir því að vera komin í sumarfrí! Þetta er seinasta prófið mitt á þessari önn, en eftir þetta próf fer ég að skrifa ritgerð sem ég á að skila í lok maí, og svo í byrjun júní þarf ég að verja hana. Ég er að fara að skirfa um mjög spennandi efni, eða um umræðuna í fjölmiðlum og meðal stjórnmálamanna á Íslandi um fiskveiðistefnu Evrópusambandsins. Ég ákvað að skrifa einu sinni um Ísland... svona líka til að vita eithvað um þetta mál, því að fólk er oft að spurja mig um eithvað í sambandi við Ísland og EU og heldur að ég sér einhver expert af því að ég er í Evrópufræði... en Ísland er ekki í EU og er valla nefnt í þessu námi mínu svo ég veit ekki mikið meira um það en bara þeir sem fylgjast með fréttum.
SKÓLABLOGGI LOKIÐ
Ég ætla svo að koma með eina skemmtilega sögu í lokin.
Okkur Rafnari var boðið í mat á fimmtudagskvöldið til Svenna og Guðlaugar sem búa nokkuð langt frá tjah... hvað á ég að segja, jú mannabyggðum. Þetta var þokkalegt ferðalag að fara til þeirra. Við hjóluðum á lestarstöð sem er nokkuð frá okkur og tókum hjólin svo með okkur í lestina. Við þurftum þau með til að komast frá lestarstöðinni sem var næst þeim og til þeirra, en strætó hættir að ganga í þetta hverfi kl. 17:00. Það var nú líka bara svona huggulegt að koma til þeirra og við fengum alveg rosa góðan mat og gleymdum okkur alveg í kjaftaganginum. Viðo höfðum reiknað með því að þessi lest gengi alla nóttina svo við vorum svo sem ekkert að stressa okkur, en um 12 lweytið ákváðum við nú svona að fara að drífa okkur af stað og kíkja á hvenær næsta lest færi.... já já, þá gengur lestin ekki alla nóttina. Það var ekki um annað að ræða en að hjóla heim. Það var svolítið skuggalegt. Við þurftum að hjóla í gegnum skóginn og sumstaðar var engin lýsing. Hefði alla vega ekki viljað vera ein á ferð. Það tók okkur u.þ.b. 50 mín að hjóla heim. Þessi hjólatúr var mjög hressandi svo við gátum ekkert farið að sofa fyr en um 2 leytið. En rúmlega 2 voru fuglarnir að vakna. Ég get svo svarið það, ég var farin að óska þess að ég væri í Texas ("allir" í Texas eiga byssu). Það var einhver fugl fyrir utan gluggann hjá okkur sem vildi ekki halda goggi! bíbíbíbí sekúnduþögn bíbíbíbí sekúnduþögn bíbíbíbí seknúduþögn... o.s.frv. þessi illi fugl hélt okkur vakandi þangað til rúmlega 5 svo að ég fékk rétt rúmlega 2 tíma svefn þá nóttina. Já haldiði ekki að ég hafi svo vaknað við hann aftur um 5 leytið í nótt.. ég get sko svarið fyrir það.. mér er farið að verða virkilega illa við þennan fugl. Kannski að ég reyni að verða mér úti um svona gasbyssu eins og eru notaðar í æðavörpum. (þær búa bara til hávaða... skaða engan)
Jæja ég ætla ekki að eyða meiri tíma í þetta blogg og ekki eyða meiri tíma frá bókunum þínum lesandi góður, því ég giska á að þú eigir að vera að lesa bækur og glósur núna en ekki skoða blogg!
Bíbíbíbíbí

Ahhh
Við Rafnar vorum að koma inn úr smá hjólatúr um hverfið. Það er sko alveg frábært vorveður. Glampandi sól og 12 stiga hiti. Þetta er nú alveg flíspeysu veður svo sem ennþá, en sólin kemur manni í gott skap. Veðrið fer nú líka bara batnandi. Ég hef svo sem ekki mikið að segja, það gerist ekkert mikið hérna. Lífið er bara skóli, lestur borða, búðin, lestin, vinna og jú hjólatúrar hafa bæst við núna út af veðrinu.
Ef þið nennið og hafið tíma, þá getið þið dundað ykkur við að svara þessum spurningum. Þetta er svolítð forvitnilegt.


1. Hver ert þú?
2. Erum við vinir?
3. Hvenær hittumst við fyrst og hvernig?
4. Ertu hrifin/nn af mér?
5. Langar þig að kyssa mig?
6. Láttu mig hafa gælunafn og útskýrðu afhverju þú valdir það:
7. Lýstu mér í einu orði:
8. Hvernig leist þér á mig þegar þú sást mig fyrst?
9. Lýst þér ennþá þannig á mig?
10. Hvað minnir þig á mig?
11. Ef þú gætir gefið mér eitthvað hvað myndi það vera?
12. Hversu vel þekkir þú mig?
13. Hvenær sástu mig síðast?
14. Hefur þig einhvern tímann langað til að segja mér eitthvað en ekki getað það?
15. Ætlarðu að setja þetta á bloggið þitt svo ég geti skrifað um þig?

Takk fyrir mig

Sæl og blessuð
Nú eru páskarnir góðu búnir og þá er það bara næsta tilhlökkunarefni, sumarið og sumarblíðan sem tekur við. Það er komið alveg þokkalegt vorveður hérna í Danmörku og dagarnir lengri, þó að það sé ekki eins lengi bjart og á Íslandi. Ég var nú kannski ekki svo mikið vör við páskana þannig séð. jú ég fékk páskaegg sem ég borðaði á laugardaginn og svo fengum við Baldur og Guðrúnu Ösp í páskamat. Maður verður nú að taka þessa munaðarleysingja að sér og gefa þeim að borða á hátíðum er það ekki? Svo var ég bara að vinna á páskadag og annan í páskum. Það er nú bara rosalega fínt hjá mér í vinnunni.. enda yfirleitt alltaf að vinna með Guðrúnu Ösp..
Skólinn á fullu náttúrulega eins og vanalega og nóg að gera þar... en samt ekki það mikið að maður geti sleppt því að kíkja á mbl á hálftímafresti. Ég reyni að fylgjast með því sem er að gerast á Íslandi svona eftir fremsta megni og þá er ágætt að hafa kíkja á mbl, því þeir eru duglegir að skrifa inn fréttir og uppfæra. En ég verð að segja það að mér líkar ekki alltaf fréttaflutningur mbl. Til dæmis finn ég mjög oft villur í stafsetningu og málfari. Svo koma líka fréttir um eitthvað sem ég vil bara alls ekkert fá að vita um. Spear me ! segi ég nú bara. Fyr í dag rakst ég á þessa fyrirsögn:
"Cruise segist ætla að snæða naflastreng og fylgju barns síns"
Hversu klikkaður er gaurinn!!! Mér finnst þetta bara ekkert spes. Ég get ekki séð neitt fallegt við þetta... jafnvel þó svo að barnsburður eigi að vera það fallegasta í heimi, hvað veit ég... þá finnst mér þetta aðeins of mikið.. en maður veit aldrei upp á hverju hann Tommi Krús tekur upp á næst. Ok... ég skal viðurkenna það að það er ekki mikið við mbl að sakast í þessu máli.. en þeir hefðu getað sleppt því að birta þessa frétt.
Hins vegar er ég mjög ósátt við frétt sem birtist á vefnum hjá þeim í gær. Ég læt fréttina gossa, gjörið svo vel lesið!

Fljótur að koma sér á þurrt eftir að hafa stokkið í sjóinn

Rólegt var í miðborginni í nótt að sögn lögreglunnar í Reykjavík. Fjórir fengu þó að gista fangageymslur þ.á m. einn karlmaður sem hugðist fyrirfara sér með því að stökkva í sjóinn við höfnina í Reykjavík um þrjú leytið í nótt. Maðurinn var hinsvegar fljótur að koma sér aftur á þurrt enda sjórinn afar kaldur. Vegfarendur létu vita af athæfi mannsins sem var orðin leiður á lífinu að sögn lögreglu. (Tekið beint af mbl
17.04.06)

Ég spyr, er þetta viðeigandi?
Þarna var á ferðinni manneskja, sem greinilega hefur það ekki gott og var að reyna að enda líf sitt, sem mér finnst vera mjög alvarlegt mál, já ekki bara mér. Hversu oft á þessu ári höfum við verið minnt á alvarleika slíkra atvika. Þarf mbl að segja frá þessu atviki á svona, að mínu mati, hæðnislegan hátt? Mér finnst þetta bara alveg mjög ósmekklegur fréttaflutningur. Það má alveg skrifa þessa frétt á annan máta.
Ég er samt að velta fyrir mér hvort að það sé bara ég sem túlka einhverja hæðni út úr þessari frétt... eða eru fleiri sammála mér?

Euro trash
Þá er ég búin í heimaprófinu og byrja í nýjum kúrs á mánudaginn. Það er svo furðulegt hvað allir kúrsar sem maður fer í eru skemmtilegir eftir á. Það var ekkert sérstaklega skemmtilegt að sitja og lesa og skrifa um ýmsar kenningar um "Organizing European Space" en svona eftir á er mjög gaman að vita þetta. Ég er alltaf að komast meira að því hversu miklar strengjabrúður Evrópusambandsins við erum... og hvað allt okkar líf er byggt á eintómri pólitík. Eeeeeennnnn yfir í aðra sálma... (þó ekki Passíusálma, jafnvel þó að það sé komið nálægt páskum). Mér barst ósk um að birta einhverjar brussusögur af Guðrúnu Ösp í vinnunni. Því miður verður það að bíða betri tíma. Það er nú bara þannig að ég er nú bara ekkert betri, nema síður sé.. svo að ég held að ég hætti mér ekkert inn á slík svæði. Það er nú samt sem áður búið að vera fjör hjá okkur stöllum í vinnunni. Við vorum að vinna saman í allan dag og það er nú bara mjög notalegt og gaman. Við fengum líka mjög "interesting" heimsóknir og mjög skemmtilegar heimsóknir. Mættu ekki bara þessi svaka skvísuhópur frá Íslandi til okkar í búðina upp úr hálf eitt í dag. Tilvonandi flugfreyju skvísur hjá Iceland express og Sjöfn þar í fararbroddi :) Gaman að vera að vinna þarna og geta hitt fólk svona um leið og það lendir. Það voru, eins og gefur að skilja, miklir fagnaðarfundir... en því miður máttu þær aðeins stoppa stutt við. Mig langaði svo að fara og hitta þær í kvöld, en þar sem ég bý úti í buska og er upp á lestarkerfið komin þá gafst mér ekki tækifæri til þess. En á morgun ætla ég að reyna mitt besta til að komast og hitta Sjöfn. Svo er hún Malla mín að koma til mín á morgun. Hún var að keppa í fimleikum í Randers á Jótlandi í dag. Ég var að tala við hana áðan og hún var í mjög góðum gír... sem þýðir að hún á eftir að taka "Mölluna" á þetta á morgun og ég get því farið áhyggjulaus í vinnuna á morgun.. ég var hrædd um að hún mundi koma að tómum kofanum... ég bara enn í vinnunni, (Hvala Magnús verður að öllum líkindum þó heima) en hún mun allavega ekki treysta sér í lestarferð snemma. Ég hlakka til að segja ykkur frá ævintýrum sunnudagsins. Verið sæl.

20. janúar 1983 ákváðu tvær stúlkur að koma í heiminn. Það hefur heldur betur verið fjör á fæðingadeildinni og þessar stöllur náðu greinilega vel saman. Þær höfðu nú ekki mikið samband næstu árin, en það var alltaf einhver tengsl á milli fjölskyldnanna.. Mamma annarar og pabbi hinnar unnu saman um tíma og bræður stúlknanna áttu samleið um tíma. Svo kom að því að þessar stúlkur sem uxu upp í sama bæjarfélagi fóru í menntaskóla, vildi svo til að það var sami skóli. Stúlkurnar fundu saman á ný og fundu það út að þær ættu sama afmælisdag... en mundu samt ekkert eftir hvorri annari. Þær urðu ágætis vinkonur á ný. Svo kom að því að menntaskólanum lauk og önnur stúlkan ákvað að flytja til útlanda til að stunda háskólanám. Ekki leið á löngu þangað til hin fylgdi á eftir til sama lands. Já alla vega ef þið eruð ekki búin að átta ykkur þá er ég að tala um mig og Guðrúnu Ösp. Ég get ekki skrifað meira af sögunni því að restin er enn óskrifuð, en eitt veit ég. Við Guðrún erum að fara að vinna saman í Wunderwear og næsta haust munum við vera í sama skóla, því að Guðrún ætlar að fara í sama nám og ég var í á síðasta ári og ég tek eina önn í Hróaskeldu. Ég er nú ekki svona manneskja sem pælir mikið í stjörnumerkjum, en það er svolítið gaman að velta þessu fyrir sér í þessu samhengi. 20. janúar er dagur þar sem það skiptist á milli Steingeitar og Vatnsbera. Ég fæddist seinni part dags og Guðrún að mér skilst fyrri part dags. Gæti ekki verið að það sé bara eitthvað til í þessu... við erum svo ólíkar á mörgum sviðum... en samt sem áður líkar á öðrum. Ég mundi segja að við séum með ólíka skapgerð, en það hefur komið fyrir að við hittumst og erum þá næstum því alveg eins klæddar... höfum meira að segja verið spurðar að því hvort að við værum tvíburar...hahaha.. Anyways... ég fór bara að pæla í þessu á leiðinni heim úr atvinnuviðtalinu í Wunderwear :) Hvað er í gangi? Stjörnumerki... tilviljun ... ??? Kannski er ég bara að tína eithvað út og búa til ... alltaf gaman að pæla í einhverju öðru þegar maður á að vera að vinna verkefni.

Enginn sá neitt athugavert við síðustu færslu?... Ég skal þá segja ykkur hvað það var.
Sko málið er það ég var nýbúin að horfa á 13. þáttinn í Prison Break og var að brenna yfir úr spenningi, þar af leiðandi notaði ég orðið "spennandi" svona u.þ.b. 30 sinnum... en engum fannst neitt athugavert við það.
Ég er bara búin að vera ein heima mest megnis síðustu daga. Rafnar ver öllum stundum úti í skóla að vinna í einhverju verkefni. Ég er því bara búin að vera að reyna að hvíla mig og safna kröftum fyrir næstu 10 daga törn í skólanum.
Annars var planið í gær að hitta Anne Marie og fara í gönguferð í Dyrehaven og á kaffihús... það misheppnaðist svolítið. Við vorum búnar að mæla okkur mót á Østeport á ákveðnum tíma og ætluðum að taka lestina saman til Klampenborg. Já svo mæti ég... og hún líka... nema hvað að við biðum eftir hvorri annnari í hálftíma, og ég leitaði út um allt og hún líka. Auðvitað hafði ég gleymt símanum mínum heima svo að ég gat ekki hringt í hana né hún náð í mig. Það endaði með því að við fórum báðar heim, án þess að hafa hitt hvora aðra. Ég veit ekki hvernig þetta var mögulegt. Við ákváðum nú samt að gera aðra tilraun til að hittast í gærkvöldi, og það heppnaðist. Við fórum á eithvað mjög sérstakt kaffihús á Istegade, helmingurinn af kaffihúsgestunum var mjög svo dubious. Við héldum að þetta ætti að vera týpískt Vestebro peepz hang out place, en ég veit ekki. það var meira af dópistum og pakki en við bjuggumst við. Við sátum nú samt þar í góða stund og spiluðum bakkamon.
Ég byrja svo í 10 daga heimaprófi á morgun. Ég er svo þakklát fyrir þessi heimapróf því ég hata ekkert meira en svona próf þar sem maður situr í 3-4 tíma og þarf að skrifa og skrifa allt sem maður kann. Þetta er nú samt sem áður ansi strembið svona heimapróf. Maður þarf náttúrlega að halda sig að verki og leggja mikla vinnu í þetta. Maður losnar samt við prófkvíðann sem skemmir ótrúlega fyrir.
Hef víst ekki meira að segja í þetta skiptið. Lifið heil.

Spennandi blogg

Ég læt undan þrýstingi og byrja aftur. Þetta er líka búin að vera ágætis pása. Ég var bara orðin svo rosalega löt við að blogga...
Alla vega.
Þessi vika er búin að vera alveg æsispennandi. Ég skilaði inn Erasmus umsókninni minni... úff en sú mæða: Alls konar eyðublöð sem ég þurfti að fylla út, og skrifa bréf sem átti að vera bæði á ensku og spænsku (ég er nú svo heppin að eiga góða að, fékk hjálp hjá Hildi við spænskuna) og CV á ensku og spænsku. Prenta út allt þetta og einkunnir í mörgum eintökum. Þetta var alveg heill bunki af blöðum sem ég skilaði. Þá er bara spennandi hvert ég verð sett. Ég sótti um háskólann í Granada, Murcia og Vallodolid. Mér fannst þeir mest spennandi. Ég er nú ekki að fara fyr en eftir ár. Spennó spennó :) Dagurinn sem skilafresturinn rann út var nokkuð spennadi. Auðvitað áttum við að skila einhverju voða spennandi hópverkefni og halda fyrirlestur.... já það var smá taugatrekkingur í hópnum. En allt gekk að lokum. Það sem stendur hæst í spenningnum í þessari viku er það að ég er búin að vera að taka smá Prison Break session... þeir sem þekkja mig vita að mér finnst best að horfa á sjónvarpsþætti í stórum skömmtum, taka marga í einu. Ég byrjaði að horfa á Prison Break á sunnudaginn og í dag var ég að klára 13. þáttinn... ég sat í gær, frá því að ég kom heim úr skólanum, þangað til ég fór að sofa og glápti, svo kláraði ég síðasta þáttinn núna áðan og blóðþrýstingurinn á ekki eftir að jafna sig í bráð. En lucky me, það kemur út nýr þáttur 20. mars.
Ég er komin í helgarfrí, enginn skóli á morgun... er yfirleitt í fríi á föstudögum þessa önn. Ætli ég reyni ekki mitt besta samt að dröööslast á bókasafnið og lesa eitthvað... jú það er að koma að heimaprófi. 20. mars fæ ég tvö spennandi ritgerðarefni og fæ einhverja daga til að skrifa 10 bls. ritgerð. Það verður bara spennandi.
Framundan er spennandi helgi, hún er svo spennandi af því að ég hef ekki hugmynd um hvað mun gerast, engin plön ennþá... so stay tuned, það kemur annað spennandi blogg á næstunni.

P.s. Sjáið þið eithvað athugavert við þessa færslu?