Hi!
I have been receiving some requests from some very curious people to start writing about my life in English.
I made a new site, so from now on you can read all about me on: www.sunroad.blogspot.com or just click English version of Zola blogger

Idolstjarnan hún Guðrún Birna á afmæli í dag! Til hamingju með afmælið Gudda!
Hún verður í sjónvarpinu í kvöld. Allir sem vetlingi geta valdið verða að kjósa hana!
Hringið og kjósið Guðrúnu Birnu!
Verst að ég get ekki séð þetta... en ég hlýt að geta séð einhverjar upptökur af þessu þegar ég kem heim.
Núna er voðalega leiðinlegur dagur í skólanum mínum. Það er svona evaluation... allur dagurinn er búinn að fara í það að tala um hvað hefði getað farið betur og hvað vantar og hvað var gott.... alls konar kjaftæði. Eithvað sem er alveg í góðu lagi að taka bara klukkutíma í.
Ég verð bara að hugsa um eithvað gott til að lifa þetta af. Ég er að fara til hennar Tinnu minnar á morgun í sing star partí! Jeij það er góð hugsun! Það verður aldeilis gaman!
Ég byrjaði að leita af jólagjöfum í gær. Vá hvað mér finnst erfitt að velja eithvað gott. Þetta er mikið vandaverk og það á eftir að kosta margar bæjarferðir held ég. Úff væri alveg til í að vera mjög hugmyndarík manneskja núna..
Ég hitti Anne Marie í bænum í gær og við ætluðum að fara á kaffihús. Nei nei vorum við þá ekki stoppaðar af einhverri konu sem bauð okkur að láta mæla stressið í okkur ókeypis.
Okkur fannst þetta svolítið fyndið svo við ákváðum að slá til. Við fylgdum henni inn á einhverja skrifstofu. Þar var alveg fullt af fólki að lát mæla í sér stressið. Gaurinn ssem mældi stressið hjá mér var ekkert smá skrítinn bara soldið krípí! Hann var að spurja mig alls kyns spurninga á meðan ég hélt í eithvað mælitæki. Mig langaði ekkert að svara þessum spurningum svo ég laug alltaf einvherju og þá fór nálin á mælitækin alltaf upp í stress tíðni. Hann hélt nú bara að ég væri mjög stressuð manneskja og að ég þyrfti á því að halda að koma á námskeið hjá þeim. Ég fór svo að spurja hann um það hvað þetta væri... hann var ekkert að láta það uppi. Svo fann ég einhvern bækling og fann það út að þetta var einhver vísindakirkja. Þau nota svona líka rosalega vísindalegar aðferðir til að lokka til sín fólk.. ég náttúrulega er mjög sterk persóna og ekki óörugg með sjálfa mig og læt ekki lokka mig svona... en spáið í fólki sem er þvílíkt óöruggt með sig. Hann var að segja mér að ég þyrfti á styrk að halda og svo þyrfti ég að fylla út persónuleikapróf og koma á námskeið hjá þeim og bla bla bla. Við stungum svo bara af... við vorum að drepast úr hlátri get ég sagt ykkur. Þetta ver solið klikkað lið.. það voru alltaf svona 3 manneskjur að fylgjast með manni og þegar við fórum út þá eltu þau okkur næstum því.
Alltaf gaman að gera eithvað svona klikkað!
Ég vil taka það fram að ég vil ekkert vera að draga í efa að þetta gæti kannski hjálpað sumu fólki, þetta er kannski bara alveg góður söfnuður,hvað veit ég... ég þori ekki að dæma um það hér á internetinu... en þessar aðferðir sem við gátum svo auðveldlega séð í gegnum til að lokka fólk til sín finnst mér barasta ekki vera í góðu lagi.

Jæjajæjajæja! Nú er ég glöð!
Þetta var mikil vinna og það var svolítill pirringur í vólki svona eftir 12 tíma vinnutarnir... en þetta hafðist að lokum og við erum nú bara nokkuð ánægð með árangurinn. Við skiluðum verkefninu okkar 20 mínútur yfir 10 í morgun. Fórum með annað koppí í prentun og allt klappað og klárt. Þetta þýðir það að ég þarf ekkert að gera þangað til 22. desember, en þá fer ég í próf. Ég get alveg tekið því svolítið rólega í nokkra daga held ég.
Eftir að allir voru búnir að skila klukkan ellefu þá breyttist eldhúsið okkar úr vinnuherbergi í partí herbergi. Bjórlykt og sígarettureykur fyllti herbergið. Já Danir kunna að fagna. Ég er nú viss um að þetta væri nokkuð sem ekki mundi gerast í HÍ...
Ég fór nú barasta fljótlega heim og skreið upp í rúm og sofnaði í nokkra tíma.... ég býst nú við að flestir hafi gert það, allavega þeir sem sváfu ekkert í nótt.
Það hefur nú svo sem ekkert margt og mikið verið að gerast hjá mér undanfarna daga fyrir utan þetta blessaða verkefni. Fór til Anne Marie á laugardaginn og hitti Oure fólk. Það ver alltaf rosa gaman að hitta þetta lið. Gamlir og góðir tímar rifjaðir upp. Annað hef ég ekki að segja.. það er eins og ég nái ekki að hreinsa þetta verkefni út úr heilanum á mér.

Komin heim úr sveitinni.
Tafðist soldið í verkefnavinnunni sagði ég þegar ég kom heim..... ætlaði að vera í 3 tíma en var í staðin í 3 daga:)
Það var gaman samt.... soldið um rifrildi svona stundum... en það jafnaði sig alltaf um leið.
Við erum bara alveg á fullu að reyna að klára þetta verkefni. Geri ekki annað. Var upp í skóla til klukkan 8 í kvöld. Þetta verkefni verður síðan að bók og ef þið hafið áhuga á því að vita hvort að orðaval hafi áhrif á það sem fólk hugsar þá verður alltaf hægt áð fá bókina lánaða á bókasafninu í Roskilde Universitet Center. (RUC) Ég get nú líka sýnt mitt koppí. Já ég hef bara ekki svo mikið að segja... helgin nálgast og skiladagur nálgast..ok þetta blessaða verkefni læðist inn í hverja hugsun hjá mér núna!
Ég ætla að hitta Oure stelpurnar á laugardaginn. Það verður fjör eins og vanalega. Mig langar líka rosalega mikið að kíkja í jóla-Tivoli ef það verður gott veður, bara spurning um hvern maður á plata með sér. Verst að Rafnar er ekki hérna til að fara með mér... Det kunne være saa hyggeligt.
Æ veit ekki veit ekki hvað ég á að segja meira... verkefnaskemað í heilanum mínum er það eina sem er aktíverað núna... ok ég er hætt!

Nu er eg barasta komin aftur i sveitina.... ad vinna verkefnid okkar. Eg kom hingad i gær... vissi barasta ekkert ad vid ætludum ad gista og vinna i trja daga, helt bara ad færi heim i gærkvøldi. Eg er natturulega ekki med neitt med mer svo ad eg verd bara i sømu føtunum tangad til eg kem heim. Reyndar gat eg keypt mer tannbursta... en madur lifir tetta af. Tetta er bara svona ovissuferd.... eda eithvad... jæja back to work!

Þá er ég komin heim úr sveitinni. Þetta var svaka vinnutörn, en samt erum við langt því frá búin með verkefnið okkar. Ég var nú samt svo góð við mig í dag að leifa mér að sofa út í dag. Maður verður máttúrulega þreyttur eftir svona vinnubúðir úti í sveit.
Það var mjög gott að komast úr borginni smá. Ofsalega fallegur bóndabær sem við vorum á og þar voru líka tveir íslenskir hestar, Kjartan og Ari... ég held samt að þeir hafi ekki skilið íslensku. Ég prófaði að tala við þá, en ég held að þeir hafi ekki skilið mikið.
Það er bara svaka rok hjá mér hérna í Köben núna. Mamma var að fara til Osló í morgun, en fluginu hennar var frestað heillengi því að það er svo vont veður í Osló eða eithvað soleiðis. Ég ætti svo sem ekki að vera að kvarta sýnist mér á veðurlýsingum að heiman. Rok er samt ekkert spes.
Nú er bara að vinda sér í verkefnavinnuna. Lifið heil!

Ég er búin að taka þessa helgi í fyrsta gír. Ég gjörsamlega er búin að vera í slow motion, það er frábært svona einstaka sinnum. Á laugardaginn fór ég um 10 leytið í bæinn og rölti með henni Anne Marie. Við fórum í alls kyns skrítnar og skemmtilegar búðir, second hand búðir, spilabúð, alls konar skemmtileg, fórum á 2 kaffhús, ég var ekkikomin heim fyr en um 5 leytið...við bara gjörsamlega gleymdum tímanum. En svo var bara líka tekinn slapparinn um kvöldið og horft á eina lélega gelgjumynd...samt sem áður með ákveðið skemmtanagildi. Vöknuðum svo aftur snemma í morgun og fórum á 2 tíma æfingu. Bara næs helgi.. og ekkert stress og ég er bara samt ekkert svo hress. Ég er með svo mikinn svima. Jafnvægisskynið er gjörsamlega í lamasessi. Ég þarf að venjasthverri stellingu sem ég set höfuðið á mér í. Ég held að ég sé enn og aftur komin með vírusinn í innra eyrað svei mér þá. Erki óvinur minn.
Á morgun fer í smá ferðalag á morgun til Slagelse. Kem ekki heim fyr en á miðvikudaginn. Er að fara með hópnum mínum á bóndabæ til að klára sem mest af stóra verkefninu okkar. Það verður sko fjör!
Æ þau eru öll svo góð og sæt og fín.
Jæja nú ætla ég að fara að láta jafnvægiskynið mitt venjast lágréttri stellingu og halda fast í rúmið mitt svo ég viti hvað snýr upp og hvað snýr niður. S.s. reyna að sofna.

Það er svo ljúft að vera búin að skila þessum blessuðu ritgerðum. Þungu fargi er af mér létt. Eftir skóla í dag fór ég með mömmu og Sigrúnu í Fields að kaupa buxur á sigrúnu. Ég fór í brúnu mokkasíunum mínum... sem ég er ekkert búin að vera að fíla undanfarið. Svo þegar mér var litið á fæturna mína í spegli í einni búðinni, þá kom það í ljós að það kom ekkert annað til greina en að kaupa nýja skó. Það var komið gat á mokkasíurnar....æ greyið fátæki námsmaðurinn í götóttu skónum. .... hvað var ég líka að kaupa skó í Zöru? Alla veg þá keypti ég mér þessi fínu flatbotna stígvél, ekkert smá þægjó.
þetta er búið að vera svo góður dagur og kvöld. Eftir ferðina í Fields, þá fór ég og hitti hana Anne Marie á kaffihúsi um 6 leytið. Við sátum í marga tíma og slúðruðum og eftir það röltum við eithvað um miðbæinn. Það er svo ótrúlega nice að labba um bæinn og skoða mannlífið og í búðarglugga. Maður gleymir sér alveg. Það er eitt af því besta við Kaupmannahöfn. Hún er notaleg.
Nú keypti ég mér nýja skó... næsta verkefni er að fara í klippingu. Án djóks þá er ég ekki búin að fara í klippingu í u.þ.b. 4 mánuði! Það hefur barasta ekki gerst áður held ég. Þetta er bara ekki jafn mikilvægt hérna eins og mér finnst það vera á Íslandi. Mamma litar á mér hárið og ég fer ekkert í klippingu. Það held ég að mundi ekki gerast heima. Þetta gengur allavega ekki lengur... nú verð ég að fara í klippingu! Kannski er verkefni morgundagsins, að panta tíma í klippingu?

Ég náði nú barasta að klára þessa blessuðu ritgerð. Það skiptir miklu máli að gera þetta rétt því að þetta gildir 100%! já svo verð ég bara að fara að vinna næstu ritgerð sem ég á að skilá á fimmtudaginn og gildir líka 100% Þetta er soldið spes. Allt veltur á einni ritgerð. Svona er þetta og ekkert sem ég gert í því. Ég hlakka allavega rosalega til að vera búin með þessar ritgerðir. Við í hópnum mínum ætlum svo að halda vinnubúðir úti í sveit alla næstu viku... frá mánudegi til föstudags og massa stóra verkefnið okkar í gegn. Við erum búin að fá lánaðan heilan bóndabæ hjá foreldrum einnar. Það verður upplifun :)En nú er það bara ritgerðin sem kallar. Jafnvel þó að mér hafi ekki þótt þessi heimspekiritgerð neitt skemmtileg þá finnst mér bara svo rosalega gaman í skólanum mínum. Alltaf líf og fjör!

Ó mæ gad!
Ég held ég verði aldrei búin með þessa blessuðu heimspekiritgerð!
Fórí gær í afmælisveislu í Hróaskeldu. Já já ég hefði átt að fara á bílnum eins og ég var að pæla í. Það tókmig 3 tíma að komast heim. Ég var alveg að klikkast. En svona er bara ævintýri. Nú ætla ég að halda áfram með heimspekina. Bæjó spæjó!

Úllala!
Það er bara ekki mikið að frétta af mér... ég er bara að reyna að halda mig við efnið að skrifa prófritgerðir hérna... það verður mikið að gera hjá mér loksins í nóvember... bara að ég væri betri í heimspeki... eða hefði gaman af henni. Get ekki alveg sagt að hún hrífi mig mikið. En þetta er nú eini heimspeki kúrsinn sem ég tek.
Annars er mikill tími hjá mér búin að fara í að hlusta og leita af tónlist á netinu.... og ég er alveg búin að fá æði fyrir nokkrum lögum og tónlistarmönnum. T.d. nýja platan hennar Brandy! vá hvað það eru geðveik lög á henni! Afrodisiac er uppáhaldslagið mitt núna...Svo er ég líka búin að vera að hlusta mikið á Destinys child og svo á hana Ciara... en hún er geðveikt cool gella. svo er ég búin að vera að uppgötva svona soldið sérstaka R&B menningu.. eða svona soldið asískt.. eða indverskt... já ekki dæma! Þetta er geðveikt cool... það eru svona með svona sérstöku beati og svo ógeðslega cool þegar það er sungið í bland við ensku á punjab... maður skilur ekki neitt en það er bara svo flott. Það eru til dæmis danskir gaurar sem kalla sig Bombay rockers... þeir eru svona soldið í þessum stíl. Ég veit ekki alveg hvort að nokkur skilur eithvað í þessu.. Ok pásan búin... verð að fara að hripa eithvað niður.
Þekkingin kallar... en það er hún sem ég er að skrifa um...

Ný vika byrjuð og tíminn breyttur.
Í nótt varð klukkan tvisvar sinnum 2. Það er búið að breyta klukkunni hérna svo að það er bara klukkutímamunur á Íslandi og Danmörku núna.
Ég er búin að vera að reyna að skrifa eithverja ritgerð núna um helgina.... gengur ekkert voðalega vel að koma einhverju niður á blað... en það er svona. Ég fór svo í Halloween partí á föstudaginn í skólanum. Það var svo gaman að ég var komin heim um 1 leytið... tók mig rúmlega klukkutíma að fara heim. Neibb ekkert spes það. Það var aðeins skemmtilegra í partí sem ég fór í í gær. Það var á Vestebro hjá homun Lau kunningja mínum. Það vill svo skemmtilega til að það er hóruhús í kjallaranum hjá honum. Það er alltaf einhver ógeðsleg gömul og feit kelling úti í glugga að bíða eftir einhverjum kúnnum. Ég og Anne Marie gátum ekki stillt okkur um að fylgjast aðeins með henni. Vorum svona soldið lengi að læsa hjólunum okkar. Hún er svo subbuleg þessi gella uíjjjj! Með eithvað fullt af köttum í kring um sig. Æ þetta er bara of mikið subbó... og eithvað að búa í sama húsi og svona fyrirtæki eru í... Já já gleðikonur borga nú skatta hérna í Danmörku. Þetta er soldið skondið. Ég er búin að horfa á of mikið af Britney Spears þáttum í dag á MTV.... lögin hennar hljóma svona í hausnum á mér. Æ þegar maður á að vera að skrifa þá vill maður oft laumast til þess að grípa fjarstýringuna og glápa á imbann í smá stund..... og svo smá stund í viðbót.... og svo í pínu stund í viðbót. Kannski er það bara ég.. veit ekki.
Alla vega þá er ég farin að sofa.

Bara láta vita af mér hérna í veðurblíðunni í Kaupmannahöfn.
Helgin er búin að vera fín. Lára stakk af úr skólanum sínum sem er úti í rassgati hér í Danmörku og kom í siðmenninguna hér í Kaupmannahöfn. Við erum búnar að vera að gera hitt og þetta svona. Á fimmtudaginn fórum á kaffi Sögu... það er sko valið besta kaffihús Danmerkur... bara að taka það fram. Svo fórum við að versla í Fields... já ég varð alveg spinnegal! Keypti buxur, skó, tvær peysur og hatt. Já ég held að Lára hafi haft þessi áhrif á mig. :) Sleppti aðeins taki af nískunni sem maður tileinkar sér þegar maður er námsmaður. Kannski líka af því að umgangast Dani... gæti vel verið... Við fórum svo á svaka skemmtilegt djamm á föstudaginn.. fórum víða í Höfninni. Í gær fórum við svo á sætustu mynd í heiminum Wimbeldon.. æ hvað hún er krúttileg. Já og nú er hún Lára farin út í sveit aftur.
Skólinn gengur bara fínt hjá mér. Við erum búin að skila u.þ.b. helmingnum af stóra verkefninu okkar. Fyrirlestrarnir eru að verða búnir svo að nú verður alveg nógur tími til að skrifa ritgerðir og klára stóra verkefnið.
Það er svo mikill sunnudagur hjá mér núna.. Ég svaf út... var búin að stilla klukkuna en ég hef bara óvart ýtt á takkan og slökt... það gerist víst stundum. Svo er ég bara búin vera glápa á The Voice (danska popptíví) og vera í tölvunni og lesa þar á milli. Það er ekkert smá notalegt. Ég ætla svo að reyna að fara út að skokka eftir svona klukktíma. Alla vega áður en það verður dimmt.
Ég bætti inn link á hana Guðnýju.. hún er loksins byrjuð að blogga almennilega. Það er ekki búið að ganga svo vel hjá henni að koma síðunni í stand... en nú er hún alveg komin í bloggarahópinn. Velkomin velkomin!
Svona að lokum vil ég óska henni Systu til hamingju með daginn, hún á afmæli í dag konan. Verið nú góðar við hana stelpuna!
Farin að syngja og dansa með Johnny Delux ... svaka gott lag á the Voice. Hej

Mmmm!
Ég finn harðsperrurnar myndast í höndum og fótum! Ég fór í pilates áðan og svo beint í pump tíma... og tók nú bara ágætlega miklar þyngdir.... ég fann virkilega fyrir því að það er langt langt síðan ég lyfti síðast. Ég er bara búin að vera eithvað að dansa og kannski hlaupa og í thai chi og eithvað soleiðis dútlerí... Úff hvað ég á ekki eftir að geta labbað á morgun.
Ég fór og hitti hana Láru áðan á kaffhúsi hérna á Íslandsbryggju. Það var voða huggó og mikið slúðrað. Á leiðinni heim byrjaði bara að rigna þvílíkt mikið og ég var alveg hundblaut þegar ég var loksins komin heim...Það var líka svo mikill mótvindur að ég gat ekkert hjólað neitt á hundrað. Ég held nú samt að ég ætti ekki að vera að kvarta neitt mikið yfir veðrinu hérna. Það er búið að vera alveg ágætt á meðan maður heyrir um að það sé bara ógðeslega kalt á Íslandi. Ég er svolítið fegin að losna við það... Ég man bara hvernig þetta var á þessum tíma fyrir ári. Þá var ég að vinna í afgreiðslunni hjá Bíló og fólk alltaf að koma inn og fara út og ekki loka hurðinni eða eithvað og ég var bara eins og frostpinni. Linaðist upp í kaffitímum. Svo er eins og maður venjist kuldanum pínulítið þegar líður á veturinn.... eða er ég bara að rugla. Ég veit ekki, kannski er ég bara með einvherjar rómantískar hugmyndir um íslenska veturinn. Maður verður svolítið örðuvísi þegar maður flytur til annars lands. Þá er allt svo gott heima á Íslandi. Heima á Íslandi! Mamma verður glöð þegar hún les þetta því ég skrifa heima á Íslandi. Oft þegar ég er að tala um það þegar ég fer til Íslans um jólin þá segi ég að ég sé að fara heim þegar ég fer til Danmerkur...."og svo fer ég heim 23. janúar" Þetta fer óskaplega fyrir brjóstið á konunni, en Danmörk er heima og hér mun ég vera næstu ár. Ég á bara 2 heima. Heima á Íslandi og heima í Danmörku. Það er sniðugt! Jæja tími til að hátta klukkan orðin mikið meira en átta!
Bíð spennt eftir að vakna í fyrramálið og vita hvernig vöðvarnir mínir hafa það....

Baywatch eru verstu þættirnir!
Sorrí Eva Ruza. Ég er einmitt að horfa á þátt núna og oh my gad! hvað þetta er lélegt sjónvarpsefni. Ég man þá daga þegar maður hafði ekki tíma til þess að borða kvöldmat á laugardögum út af því að maður sat gjörsamlega fastur fyrir framan imbann. Núna verður maður eiginlega bara vandræðalegur að fyrir hönd þeirra út af því að þetta er svo hræðilegt. Æ kannist þið ekki við það þegar maður verður vandræðalegur fyrir einvherja í sjónvarpinu.
Ég hafði það bara svaka gott um helgina... það var langur dagur í dag svo ég er að hugsa um að fara að leggja mig svo ég geti lesið eithvað í kvöld fyrir fyrirlestur á morgunn.

Ok ég ætla nú ekki að vera neitt fullorðin Eva Ruza! Hér kemur þá blogg á svona nettu gelgjumáli...
Ég er hjá Dísu frænkz í Odense. Hún býr í gegt cool húsi með kæró og tveimur öðrum home boys! Þeir eru allir einvherstaðar svo að við erum bara eikkað tvær í chillinu. Ég hef aldrei komið inn í jafn flott hús í Danmörku held ég. Það eru alveg tvö baðherbergi og það er baðkar í öðru! Ímyndið ykkur bara hvað þau eru þá stór baðherbergi. Enginn smá luxus. Horðum á video í gær á Festen sem er alveg snilldar mynd! Í dag erum við búinar að vera ýkt dugtige. Fórum út að hlaupa og svo í smá ljós! Mass'etta sko! Það er svo gott, því er alleg gegt hvít mar.
Við ætlum bara að fara að fá okkur í sarpinn... nei sorrí fá okkur að éta (má ekki verða of fullorðin) Fer síðan heim í fyrramálið.. Mar þarf víst eithvað að sinna bókunum og fara í balance eins og er orðin hefð hjá okkur Anne Marie á sunnudögum.
Pís át!

Hello guys!
Ég vil byrja á því að þakka lesendum mínum fyrir góð viðbrögð við greininni minni. Þetta er nú bara svona frumraun hjá mér. Þetta var mín fyrsta grein á politik.is og ég virðist hafa geta skapað grundvöll fyrir einhverja umræðu... sem ég er mjög ánægð með. Alltaf má nú samt gera betur og ég veit að ég á eftir að læra með tímanum að koma því frá mér sem ég er að hugsa í það og það skipti. Ég skila inn grein á politik.is á 6 vikna fresti og ætla ég mér helst að taka fyrir einhver alþjóðleg málefni. Ég veit náttúrulega ekki mikið um hvað er að gerast heima á klakanum og svo eru nóg af fólki sem getur tekið púlsinn á þjóðarsálinni .... fólk sem er á staðnum.
Ég er annars búin að hafa það mjög gott um helgina. Búin að vera soldið með kellingunum mínum og búin að reyna að læra soldið... samt var það nú eithvað takmarkað. Ég var bara svo ósköp þreytt eitthvað. Kíkti í bæinn bæði á föstudag og laugardag, kom samt ekkert voðalega seint heim. Ég á bara svo erfitt með að sofa út. Ég er yfirleitt bara vöknuð kl. 10:00. Ching ! vakna og fer að ryksuga og taka til og svo um 3 leytið er ég eins og sprungin blaðra, en get ekki lagt mig því þá er ég að eyða deginum í svefn. Það er vandlifað. Nú ætla ég alla vega að fara að leggja mig. Klukkan er orðin hálffjögur og ég er búin að vera að hanga í tölvunni í langan langan tíma. Á morgunn ætla stelpurnar að koma til mín í brunch um tvö-leytið svo ég þarf að hafa eithvað huggulegt til fyrir þær.

Æ takk stelpur fyrir öll komplimentin fyirir greinina mína. Ég skrifa grein á politik.is á 6 vikna fresti svo að þið eigið eftir að sjá fleiri.
Fór í gær með Tinnu út á flugvöll að sækja stelpurnar í gær. Gaman gaman... ég þurfti svo að fara heim að læra svo ég sleppti þeim bara lausum í verslunarleiðangur.
Það var menningarnótt í gær hér í Køben. Ég og Sigrún fórum út að borða og í bæinn að skoða öll herleg heitin. Stelpurnar voru svo þreyttar eftir búðarráp að þær nenntu ekki (skiljanlega því þær voru mjög duglegar að versla) út að borða. Ég hitti þær svo niðri í bæ seinna og við fórum á fallega Moose! Oj mér svíður ennþá í augun af reyknum þarna inni. Það var samt mjög gaman. En svo var áætlunin að fara á Sams bar á Strikinu... ég fór og náði í hjólið mitt og beið eftir þeim á meðan Systa og Ásgerður ætluðu að kíkja einn hring á LA bar.... ég beið og beið..... og beið..... en þær barasta voru ekkert að flýta sér út... svo að ég bara hjólaði heim... Hvert fór Íris?

Þá er hann Rafnar farinn heim!
Keyrði hann út á flugvöll áðan og var síðan í hálftíma að finna bílastæði og þurfti síðan að hringja í pabba til þess að hjálpa mér að leggja í eithvað ógeðslega þröngt stæði í næstu götu. Það er ekkert spes að vera á bíl í Kaupmannahöfn. Samt gott að geta stundum keyrt eithvað.
Það var voða gaman að hafa Rafnar hérna. Við skoðuðum svo sem ekkert alveg svakalega mikið... Við höfðum það bara gott. Hann kemur hvort sem er aftur og verður mikið lengur.
Ég var svo að panta flug til Íslands um jólin. Ég kem heim til Íslands á Þorláksmessukvöld.... lendi um 10 leytið. Ég er sko í prófum þangað til 23 desember þannig að ég kemst ekki fyr. Svo fer ég aftur til Danmerkur 23. janúar... Þannig að ég get haldið upp á afmælið mitt með öllum bestu vinkonum mínum. :) Hlakka til að sjá litla krílið hennar Sjafnar og sona!
Ég er farin að hlakka til bara.
Stelpurnar eru að fara að koma á morgunn! Það er bara um að gera að skella sér á menningarnótt sem verður hér á morgun. Það verður örugglega alveg hellingur af fólki í bænum og mikið stuð:)
Hlakka til að sjá ykkur stelpur!

Well það lítur allt betur út með skuldirnar mínar í dag en það gerði á föstudaginn... Ég er búin að tala við lögregluna, folkeregestret og Told og skat og þetta verður vonandi allt í lagi.
Helgin var mjög góð. Við Rafnar erum búin að hafa það gott hérna í Höfninni. Mamma, pabbi og Sigrún voru í Noregi um helgina svo að við höfðum íbúðina fyrir okkur. Við erum svo sem ekkert búin að vera að stressa okkur að gera allt mögulegt en við erum búin að kíkja í Fields og fórum í Christaniu í gær. Við kíktum á hjólabretta park sem er þarna inni í Christaniu og þar var pínu lítill 5 ára gutti að brillera á hjólabrettinu! Hann var svo mikil dúlla! Hann var svo ógeðslega klár á þessu! Sjiiii bara dúlla! Hann gat alls konar tricks og var algjör glanni.
Ég fór svo í skólann í dag og Rafnar fór að skoða skóla í Svíþjóð. Nú var ég bara að enda við að skila inn grein sem kemur á politik.is á morgun. Endilega kíkið á hana.
Nú er ég að fara að tala aðeins við kærastann minn sem er svo góður að heimsækja mig alla leið til Danmerkur. Ég er ekki svo góð ef ég hangi bara í tölvunni allan tímann.